Marzo 2007
6 de Maio 31.03.07
A
práctica totalidade de organizacións ecoloxistas
galegas decidimos convocar unha manifestación o
día 6 de
maio en Santiago de Compostela. Despois dunha xuntanza celebrada nesta
mesma cidade, os grupos participantes acordamos por unanimidade - dous
destes colectivos deben someter aos seus órganos de
dirección esta decisión - chamar á
cidadanía a unha manifestación que sirva para
amosar a
nosa repulsa pola degradación do territorio, un feito que
ameaza
á propia identidade de
Galiza. Outros grupos que escusaron a súa asistencia,
amosaron o
seu apoio ás decisións tomadas.
Existe unha grande sensibilidade social sobre as consecuencias irreversibeis que acarrea o descontrol das actuacións urbanísticas e a impunidade dos empresarios e alcaldes que os apoian. Temos agora a posibilidade de poñer freo á cementación de Galiza, de salvagardar o noso patrimonio natural, que é o mesmo que dicir o noso futuro.
Escrito dos afectados pola recalificación de EINSA 31.03.07
O goberno deste
Concello quere as nosas terras de balde.Toman decisións sobre as nosas terras sen informarnos, e por unanimidade segundo TINO Regueiro (BNG) .
Din que é un beneficio para o pobo, ¿de onde somos nós ou non estamos no censo?
Queren facerlle un bo agasallo a EINSA pero que o paguemos nós.
Queren que nós sexamos donantes non donos.
Queren que o pobo medre porque pensan que pobo so son eles.
Queren arrimarlle ao oitenta de EINSA o noso vinte por cento.
OS SEÑORES DE EINSA tamén:
Queren que lles financiemos con cartos e terra as rúas, que de terra non lles valen
Queren que lles financiemos con cartos e terra os servicios urbanos i equipos
Queren que lles financiemos con cartos e terra o aparcamento do pazo
Despois de tanto pagar, se cadra xa quedamos empufados e non chega o valor dos metros cadrados que nos queden para facer as parcelas que nos prometeron, e cando queiran expropiarnos xa non cobramos nada, sorte se non temos que pagar.
Mais non lles chega porque tamén queren as nosas terras polo JUSTIPRECIO.
Recalificación en Andrade 29.03.07
No
mes de novembro do 2006, un representante da empresa EINSA presentou un
proxecto ao Concello de Pontedeume para recalificar uns terreos na
parroquia de Andrade. Previamente un proxecto anterior, basicamente
idéntico a este, foi rexeitado pola CPTOPT.
O Pleno do Concello de Pontedeume, en sesión ordinaria celebrada o 25 de xaneiro de 2007, acordou aprobar inicialmente a modificación puntual das normas subsidiarias de planeamento do Concello de Pontedeume para uso terciario-industrial en Campolongo, redactada por Consultora Galega, S.A., e presentada por Joaquín Martínez Pérez-Mendaña, en representación de Ediciones Informatizadas, S.A. Satisfacíase así a pretensión da empresa citada.
O día 6 de marzo do 2007 o DOG publica:
"De conformidade co acordado polo Pleno do Concello e co disposto no artigo 85.2º da Lei 9/2002, modificada pola Lei 15/2004, de ordenación urbanística e de protección do medio rural, sométese o expediente completo á información pública polo prazo dun mes, contado a partir do seguinte ao da última publicación deste anuncio no Diario Oficial de Galicia e en dous xornais de máxima difusión da provincia, durante o cal os interesados poderán examinalo nas oficinas xerais municipais, sitas na rúa Real nº 13 deste concello e presentar cantas alegacións e/ou observacións consideren oportunas."
As críticas que se poden facer a este tipo de comportamento do goberno local son múltiples e resumirémolas aquí.
Non ten razón
de ser unha recalificación de terreos
cando está en trámites de aprobación
un novo PXOM,
a menos que a precipitación desta solicitude esconda uns
intereses especulativos que doutro xeito non serían
posibeis.
Lembremos que hai unhas semanas o concelleiro Manuel Rei declaraba no
xornal La
Opinión
que se estaban a denegar novas licenzas. Segundo destacaba o portavoz
nacionalista, o Concello non concedía licenzas dende hai
algún tempo. E engadía: "Sopesamos la
suspensión de los permisos. Hay gente que se quiere ir a
vivir a las parroquias e incluso han amenazado al técnico
municipal con
recurrir a la vía judicial para obtener las autorizaciones.
Pero no
podemos someternos a interpretaciones, consultamos incluso con
juristas. Se debe avanzar con el plan urbanístico".
Parece que hai distintas categorias de cidadáns para os
nosos
representantes e que o feudalismo aínda non foi desterrdado
deste país.
Tampouco se contou coa opinión dos propietarios de terreos que se verán afectados pola recalificación. O goberno local ten o deber de consultar cos prexudicados antes de tomar calquera iniciativa neste sentido. Pola contra, os rexedores informaron aos propietarios hai dous días do novo estado das súas propiedades, dificultándolles a posíbel presentación de alegacións.
Entre os terreos a recalificar hainos clasificados como solo rústico de protección forestal, o que debería ser motivo para non proceder á súa modificación.
Dende o Colectivo Fusquenlla imos poñer todos os medios ao noso alcance para impedir esta modificación das Normas Subsidiarias, unha modificación que permitiría alterar a legalidade en beneficio dunha empresa que non aclara a verdadeira intencionalidade deste proxecto.
Non nos cansamos de denunciar a complicidade do equipo de goberno cos representantes de empresas que fan das recalificacións e da especulación a súa razón de ser.
Do mesmo xeito criticamos o oscurantismo que amosa o Alcalde e o concelleiro de urbanismo co fin de impedir a participación cidadá naqueles asuntos que lle atinxen directamente, condenando a uns propietarios a contemplar como se desvalorizan os seus terreos. Quizais o seguinte paso sexa a expropiación.
Decálogo urbanístico de Greenpeace 27.03.07
Greenpeace
presentou hoxe dez medidas para conseguir un urbanismo
sostenible concibido para aumentar a calidade de vida da
poboación e o
respecto ao territorio onde se desenvolve. A acumulación de
escándalos,
investigacións e procesos xudiciais relacionados co
urbanismo poñen de
manifesto que en España o funionamiento efectivo do control
da
edificación (disciplina urbanística) é
a gran asignatura pendente.
Nesta mesma páxina publicamos as bases para un urbanismo sostíbel en Pontedeume
POR UNHA GRAN
MOBILIZACIÓN
Xa hai data para unha xuntanza preparatoria: sábado 31 de marzo ás 12 na Galería Sargadelos de Compostela, Rúa Nova 16.
Hai unhas semanas, dende o Colectivo FUSQUENLLA faciamos un chamamento (ver aquí) para organizar unha protesta nacional na que amosar a nosa preocupación e repulsa pola degradación urbanística que estamos a sufrir en Galiza e cuxos síntomas máis evidentes son as agresións urbanísticas no litoral, a edificación masiva e descontrolada, o deterioro dos núcleos históricos das vilas, a destrucción do patrimonio arquitectónico, a perda dos sinais de identidade territorial, a desaparición dos espazos públicos, a ausencia dunha política social de vivendas e a promoción de proxectos especulativos e lesivos para o noso entorno.
Agora xa podemos fixar unha data para avanzar na formación dunha coordenadora que impùlsde este movimento. Celebraremos unha reunión o sábado 31 de marzo ás 12 na Galería Sargadelos de Compostela, Rúa Nova 16.
Xa está confirmada a asistencia de distintos colectivos como Rede Litoral Vivo, na que están integrados os grupos Asociación O Carballal, Adega, Amigos da Terra, Asociavión pola defensa da ría de Pontevedra, Colectivo Ecoloxista do Salnés, Federación Ecoloxista Galega, Greenpeace, Luita Verde, Verdegaia, Asociación Cultural e Veciñal O Tombo de Ardán (Marín), Anduxía - Plataforma para a conservación e rexeneración do litoral de Bueu, Bouzas Móvete, Comité Cidadán de Defensa Para a Ría de Ferrol , Foro Social de Cangas, Fusquenlla, Ortigueira Sostible, Plartaforma Ártabra 21,Plaforma contra o viaduto e a variante de Outes, Plataforma pola Defensa da Ría (Cíes), Salvemos Monteferro.
Invitámosvos a esta reunión e agradeceríamos trasladásedes este chamamento a todos cantos grupos e particulares queiran sumarse a esta iniciativa.
Fainos chegar as túas propostas e adhesións ao noso correo (preme aquí)
O Concello de Pontedeume acumula infinidade de infraccións urbanísticas 21.03.07
Hai uns
días informábamos dun escrito do Director
Xeral de Urbanismo, datado o 15 de xaneiro deste ano, no que se
emprazaba ao Concello de Pontedeume a suspender as obras de varias
vivendas ubicadas na praia de Ber. Estas vivendas foron levantadas sen
permiso da Xunta de Galiza, tal e como é preceptivo
tratándose dun espazo de protección especial.
Tamén se ordenaba nese mesmo escrito a incoar un expediente
de
reposición da legalidade.
O Alcalde Belarmino Freire informou deste escrito á Xunta de Goberno Municipal o día 30 de xaneiro nunha reunión na que estaban presentes Manuel Rei, Julio Yáñez, Tino Regueiro e Manuel Agras. (Máis información en La Opinión)
Non é esta a única ocasión na que a CPTOPT actúa nos terreos da zona costeira de Ber. En abril do 2006 o DOG publicaba a orde na que se notificaba a un veciño de Boebre a resolución pola que lle ordenaba demoler a vivenda da súa propiedade. Esta resolución declaraba ilegalizabeis as obras de construción da devandita vivenda unifamiliar, por resultar incompatibles co ordenamento urbanístico vixente e ordenaba a demoliciónda edificación de planta baixa e planta alta, para o que se fixaba un prazo de dous meses.
Tamén
en Centroña e Boebre foron concedidas licenzas de obras a
pesar
do informe negativo da Secretaria do Concello. A concesión
das
licenzas foi outorgada pola comisión
municipal de goberno sobre a que estaban delegadas as competencias
urbanísticas. Dita comisión estaba formada, amais
do
alcalde, por Manuel Allegue, Agustín Vilariño e
Manuel
Rei, estes dous últimos cabezas de lista nas vindeiras
eleccións municipais polo PSdeG e BNG respectivamente. (Para
máis información sobre estas licenzas, consultar aquí)
Cabe lembrar que nesas mesmas datas, ano 2002, foron
concedidas outras licenzas en
Nogueirosa en zona de protección costeira. A raíz
destes
permisos a CPTOPT denunciou ao Concello de Pontedeume ante o Xulgado do
Contencioso, que xa dictaminou a anulacióin de
dúas
destas licenzas e está a dilucidar o destino doutras seis.
Ademais a Fiscalía acusou aos rexedores dun delito de
prevaricación.
En
Caldagueiro, o chamado "mamotreto" acumula dúas ordes de
paralización ditadas pola CPTOPT que non foron atendidas
polo
Concello de Pontedeume. Esta obra, paradigma das aberracións
que
asolan a nosa paisaxe, foi rematada e actualmente está
habitada
a pesar de non contar coas preceptivas licenzas de primeira
ocupación.
Tamén
na Av. do Ferrol unha obra promovida por Lagaresy Álvarez,
S.L.
foi paralñiazada polo Concello por non respectar a licenza
outorgada. As vivendas construidas triplicaban o número
concedido.
Na antiga casa de D. Pablo a empresa Progasa 2000 víuse obrigada a suspender as obras despois das innumerabeis denuncias presentadas polo colectivo Fusquenlla.
Semellante morea de infraccións concentradas en Pontedeume, aproximadamente 200 vivendas, converten a este concello nun dos que teñen a triste condición de non repectar a lexislación urbanística e contribuir ao deterioro da paisaxe e do medio ambiente. Por esta razón o Colectivo Fusquenlla dirixíuse á Consellaría de Política Territorial para demandar desta institución a adopción de medidas tendentes a facer respectar a lexislación e a repoñer a legalidade alterada polas obras citadas, propoñendo á CPTOPT que interpuxese ante o Xulgado un contencioso administrativo contra o Concello de Pontedeume e os promotores como única forma de garantir o acatamento das leis.
Patrimonio paraliza a construción de vivendas na Praza de España en Pontedeume (18.03.07)
Os
restos achados nas excavacións da Praza de España
poden
pertencer á antiga rede de canalizacións da vila
medieval. Por este motivo o proxecto que Lagares pretendía
desenvolver no lugar que ocupa unha parte importante da fachada
marítima de Pontedeume vese abocado ao fracaso.A Dirección Xeral de Patrimonio non permite levantar ningún edificio. E a prohibición é por tempo indefinido.
O concelleiro Manuel Rei, de novo exercendo como titulasr de urbanismo, se amosa partidario de construir para tapar o que el considera un "punto negro" da fachada marítima. Facendo gala unha vez máis do seu desprezo polo patrimonio histórico de Pontedeume, lembremos a súa posición con relación ao Mercado Municipal, avoga por edificar a zona coas mesmas fachadas de orixe. Non era o único pois o alcalde Belarmino Freire dicía que se trataba de restos pertencentes a unha taberna.
No mes de outubro do ano pasado, Fusquenlla exixía que se faga o estudo das excavacións co máximo rigor e sen presións dos promotores da obra. De se atopar restos arqueolóxicos deberían conservarse e expoñerse ao público nun espazo aberto desde o que reflexionar sobre o valor patrimonial que Pontedeume posúe e que se atopa en perigo de extinción.
Cidades sostibeis (17-03-07)
Últimamente
estase a converter nun lugar común entre os nosos
políticos a infeliz expresión de urbanismo
sostíbel. E anque apreciamos o esforzo que os partidos
realizan
en período preelectoral para recolle-las crecentes demandas
da
cidadanía en favor de modelos urbanisticos racionais e
sostíbeis, non deixa de resultar insólito
escoitar en
boca de políticos como Manuel Rei ou Agustín
Vilariño propostas que abogan por un crecemento
urbanístico acorde coas necesidades reais e respetuosas co
entorno paisaxístico.
Pero vivimos tempos confusos. O veciño concello de
Miño
acaba de recibi-lo premio á cidade sostíbel na
categoría “Ordeación do territorio e
conservación dos recursos naturais”, que concede
anualmente a Fundació Fòrum Ambiental y Ecocity.
Este
fallo sorprendente coincide coa recente decisión da
Consellería de Pesca de catalogar como
“C” o banco
marisqueiro -o cal supón, como en Pontedeume, que os
moluscos
non poderán venderse como productos
frescos– pola
contaminación que sofre a ría e que os
mariscadores
atribúen ós verquidos de arxila provocados polos
desmontes na construcción de
urbanizacións.
O avance do ladrillo
acabou con todo resto da arquitectura
tradicional. Hoteis e apartamentos salpican caóticamente o
espacio urbano nun perfecto exemplo de anarquía
constructiva. O
proxecto estrela neste concello sostíbel é a
urbanización Costa Anácara promovida
por FADESA e
que contará con 1300 vivendas e un campo de golf nos terreos
da
antiga fraga de San Xoan. As augas residuais que xenere a
urbanización van seren bombeadas ata a praia de Perbes
ó
non dispoñer dunha estación depuradora, mentres
que as de
escorrentía do campo de golf, que conteñen
perigosos
herbicidas, verterán ó río
Xarío e á
praia grande de Miño.
Outra vila galardonada en anteriores edicións foi a de As
Pontes
de García Rodríguez -cuia central
térmica emitiu
en 2004 case 11 millóns de toneladas de CO2-, que obtivo un
accésit á cidade máis
sostíbel polo
desenvolvemento, entre outras, dunha actuación ambiental
innovadora, a promoción das enerxías renovables e
a
recuperación do entorno ambiental. Quizáis non
sexa alleo
a concesión deste premio o feito de que a empresa ENDESA
forme
parte desta fundación.
Está clara a intencionalidade de políticos e
empresas
coma éstas: a manipulación interesada para tratar
de
convencernos de que comparten con nós a mesma sensibilidade.
Pero é evidente que están moi lonxe de conseguilo.
A Xunta ordena paralizar varias vivendas na praia de Ber (16-03-07)
O
Concello de Pontedeume recibíu un escrito do Director Xeral
de
Urbanismo, con data 15 de xaneiro do 2007, no que ordenaba ao Alcalde a
inmediata suspensión das obras de construción de
varias
vivendas na praia de Ber, Centroña, por carecer da
preceptiva
autorización autonómica e obriga asemade
á
retirada dos materiais preparados para ser utilizados nas obras.
Tamén se ordena incoar expediente de reposición
da
legalidade urbanística.
O Alcalde Belarmino Freire informou deste escrito á Xunta de Goberno Municipal o día 30 de xaneiro nunha reunión na que estaban presentes Manuel Rei, Julio Yáñez, Tino Regueiro e Manuel Agras.
Bases para un urbanismo sostíbel en Pontedeume (14-03-07)
Achegámonos
ás elección municipais e os partidos
políticos
publicitan o seu programa de cara a conseguir votos dos
cidadáns. E o urbanismo está condenado a ser o
eixo
central da campaña. Xa algún grupo local amosou
interese
en coñecer a opinión do Colectivo
FUSQUENLLA sobre
o que deberían ser as bases para acadar un urbanismo
sostíbel para Pontedeume.
Dende esta páxina dirixímonos a toda a cidadanía para facerlle chegar o noso parecer do que debería recoller unha ordenación urbanística, e emprazamos aos partidos políticos a que asuman e defendan estes principios mínimos para garantir un futuro mellor en canto a habitablidade e respecto ao medio ambiente.
1. Redacción
dun PXOM adaptado á realidade
física, histórico-artística e
demográfica
do concello de Pontedeume, potenciando os valores de Pontedeume como
vila tradicional, e promovendo un modelo de desenvolvemento
sostíbel en contra dos modelos importados de crecemento
incontrolado. Un PXOM que non contemple un crecemento do solo
urbanizábel superior ao 20 %. Exposición
pública
do PXOM nun periodo de 2 meses, faciltar toda a
documentación en
CD ou descargas web. Compromiso de atender as alegacións
presentadas por tódolos cidadáns. Firme
compromiso de
modificar o PXOM se a cidadaníia o require nas
súas
alegacións. Compromiso de adaptar as edificacións
ao
planeamento; non a tendencia actual de adaptar o planeamento
ás
edificación ilegais. Non ás
legalizacións
sistemáticas a calquer prezo. Non a unha lei de punto final
para
as edificacións ilegais.
2. Establecemento dun modelo de crecemento baseado nunha
optimización dos servizos básicos e na
reordenación e rexeneración das zonas urbanas
actuais,
antes que na recalificación indiscriminada de terreos
rústicos coa conseguinte devastación da paisaxe.
Política de infraestruturas, depuración das augas
e
saneamento integral da ría.
3. Cumprimento estrito da legalidade urbanística:
cumprimento do
Regulamento de Disciplina Urbanística no referente a
expedientes
de ilegalides urbanísticas, obligatoriedade de
informes
técnicos e xurídicos para tódolos
expedientes
sometidos a licenza urbanística, resposta aos expedientes de
licenza dentro dos plazos máximos contemplandos na
lexislación. Funcionamento efectivo da policía
urbanística. Adhesión á futura Axencia
da
Legalidade Urbanística da Xunta de Galicia.
4. Publicidade dos acordos adoptados nos plenos e comisións
de
goberno, (creación dunha páxina web real,..),
cumprimento
escrupuloso da lexislación de Rexime das
Administración
Locais e en especial o Regulamento de
Participación
Cidadá aprobado polo Concello de Pontedeume. Apertura e
transparencia da xestión municipal dacordo coa
lexilación
vixente. Participación cidadá nas propostas de
intervencións públicas. Non á
opacidade da
xestión local.
5. Rehabilitación e peatonalización inmediata do
casco
vello. Adopción dunha estrita normativa construtiva tanto
para
edificios como para a renovación de rúas.
Promover accións culturais encamiñadas a divulgar
e
valora-lo núcleo histórico da vila.
Eliminación de
barreiras arquitectónicas, progresivo enterramento de
servizos
aereos sobre as fachadas como electricidade e telefonía.
6. Mellora da movilidade, medidas de accesibilidade e
potenciación do transporte público municipal e
comarcal,
potenciación do transporte ferroviario, cumprimento da
normativa
municipal en canto a aparcamento, creación de
carrís-bicis. Estudo da conversión do tramo de
autopista
entre Cabanas e Miño nunha ronda de
circunvalación para
facilita-la desconxestión do tráfico no centro da
vila e
na ponte.
7. Defensa dos espazos públicos, posta en valor dos
edificios
singulares. Catalogación e protección dos lugares
de
interés arqueolóxico.
8. Acondicionamento e mantemento axeitado dos centros escolares e
axilización das obras no colexio Coucerio Freijomil.
9. Medidas para fomenta-la habitabilidade e e mobilidade das
áreas en expansión (beirarrúas,
iluminación, recollida de lixo) (R. Sánchez, Av.
de A
Coruña, etc..). Non ás privatizacións
indiscriminadas de servizos, revisión exhaustiva das
prestacións dos servizos xa privatizados exixindo o
cumprimento
das cláusulas das concesións.
10. Potenciación das enerxías renovables e posta
en
marcha de medidas reais de aforro enerxético.
Cumprimento
da normativa referente á contaminación
acústica e lumínica.
11.Protección dos espazos singulares: o monte Breamo, a
franxa costeira dende as as ribeiras do Eume pasando por
Centroña e Boebre, evitando as accións
agresivas no
seu entorno, non aos novos paseos marítimos.
Protección
dos monumentos verdes da comarca.
12. Supresión das chamadas áreas residenciais e
da figura
do axente urbanizador. Estudo das caracteristicas particulares de cada
núcleo rural existente potenciando a suas
características
identificativas e permitindo a ampliación do solo
edificábel nos núcleos tradicionais con criterios
de
crecemento racional, potenciando estes mediante o incremento
de
servizos, infraestruturas, e a extensión da
recollida
selectiva de lixo.
Informe de Greenpeace sobre o proxecto de Endesa para crear un lago artificial (11-03-07)
Por outra banda, a recuperación ambiental de calquera área pasa por rexenerala da forma máis parecida posible á orixinal.
A voltas coa orografía (10-03-07)
Os
nosos concelleiros a teñen emprendida coa
orografía.
Nunhas recentes declaracións, o tenente de alcalde e
concelleiro
de urbanismo en tempo libre, Manuel Rei, xustifica-la desacertada
política urbanística que está a
desenvolve-lo
Concello en supostos problemas orográficos. Non lle imos
lembrar
ó iluminado concelleiro o valor que a accidentada e abrupta
paisaxe de Galicia ten como elemento definidor da súa
identidade, anque non estaría de máis que releera
algúns dos nosos clásicos . Esas inapropiadas
verbas
quizáis vos lembren os comentarios do alcalde cando
expresaba a
súa consternación polas peculiaridades dun relevo
que
misteriosamente transmutaba en sete ou oito as obrigadas tres alturas
en edificios como o de don Pablo ou Caldagueiro, e que él
atribuía á excesiva pendente da vila.
Ó final vai
ser certo aquelo que contan daquel emigrante que, embobado polo que
vira facer nas grandes urbes europeas, abogaba por achanza-la cima do
Breamo para así poder construir enriba.
Laiábase ademáis o tenente de alcalde da escasa superficie do concello (“é a milésima parte de Galicia”). E sen querer abondar nunha discusión acerca das bondades do tamaño, volvemos a insistir en que no existe ningunha presión demográfica que xustifique a necesidade de amplia-lo solo urbanizable. É máis, a realidade é outra: abandono do casco histórico, existencia dun elevado número de vivendas abandonadas, presencia cada vez maior de segundas residencias,... O que compre, polo tanto, é recuperar ese centro e apoia-la rehabilitación a través das oportunas axudas públicas antes de emprender unha irresponsable fuga cara adiante, promovendo proxectos urbanísticos de carácter especulativo ou fomentando a ocupación das áreas litorais protexidas do Concello.
O paseo marítimo de Sopazos
Recollemos
a noticia publicada hoxe no Diario
de Ferrol na que se dá conta do proxecto de paseo
marítimo que o Concello de Pontedeume promove en Sopazos:
"Unha pasarela de madeira de case un quilómetro de longo, máis dun merendeiro, accesos ás praias e a recuperación dos bosques de cereixos que adornan a fachada marítima entre Pontedeume e A Macuca son aspectos do proxecto que o arquitecto Anturo Franco Taboada entregará en cuestión de días aos responsables da Demarcación de Costas en Galicia.
A
actuación implicará un gasto que se
aproximará aos 1,5 millóns de
euros e a intervención dara pé ao uso e goce
dunha das zonas máis
potencialmente atractivas da costa eumesa, pero que actualmente
está
pouco aproveitada.
O financiamento do proxecto correrá a cargo do Ministerio de
Medio
Ambiente, a través da Dirección Xeral de Costas
e, segundo o
responsable da idea que se prevé materializar, a
solución pasa por
intervir o mínimo posible, pero se o suficiente para que a
xente da
zona e posibles visitantes teñan a posibilidade de pasear
prácticamente
ao bordo do mar e percorrer a distancia que existe desde a vila dos
Andrade ata asentamientos poblacionales como Sopazos e
Centroña, entre
outras."
Hai algúns meses, cando se fixo pública a primeira nova deste proxecto, advertiamos dende Fusquenlla que na zona de Sopazos existe un xacemento arqueolóxico que provén dunha antiga vila romana formada por sete casas. No lugar atopáronse restos destas edificacións, algúns dos cales foron "extraviados" cando se realizaron as obras de rehabilitación da casa consistorial, onde permanecían depositados.
A importancia deste achado é salientada polo historiador D. Antonio Couiceiro Freixomil, que na súa "Historia de Pontedeume" escribe:
"La comarca eumesa debió romanizarse de modo análogo al resto de Galicia, pues no le faltan recuerdos de tan remota época.
En este orde de cosas merece citarse, en primer término, el descubrimiento, al explotar una cantera, de restos de edificaciones romanas en el lugar de Sopazos, por debajo de la estación de ferrocarril de Puentedeume, en unos terrenos que declinan hacia la orilla de la ría. Da cuenta de la aparición de dichos restos don Ángel del Castillo , y dice que son «como de un lugarcito formado, hasta ahora, por unas siete casas pequeñas, de forma rectangular y muros de mampostería, todas con escaleras de entrada, la que más con tres peldaños, algunos de 1,45 metros de largo y todos de cantería labrada. Entre los escombros de estas casitas -agrega- aparecieron sillares (alguno de 0,36 metros de ancho), la clave de un arco con la batiente para la hoja de la puerta, una piedra de hogar aún con ceniza de vidres (según quien la halló), una especie de base de semicolumna adosada, restos de ánforas romanas y numerosísimos trozos de cerámica sencilla y de tejas de reborde con diversos trazos digitales, así como ladrillos cuadrados, unos de 19 centímetros de lado por 6 de grueso y otros de 28 por 5,2"
Mais esta importancia non é salientada só por Couceiro Freixomil. A propia Dirección Xeral do Patrimonio recoñece o valor patrimomial deste lugar que está catalogado por esta institución. Así, cando se presentou un proxecto de dragado da ría, esta dirección xeral advertía dos posibeis riscos que estas actuacións poderían ocasionar. Nun informe elaborado a tal fin, lembraba:
manifiesta en informe de 7 de junio de 2006 que la actuación de dragado
puede afectar al yacimiento romano de Sopazos (GA15069007) y que hay
una posible presencia de restos arqueológicos vinculados al puerto marítimo
medieval de Pontedeume. Para valorar el impacto sobre el patrimonio
cultural se debe hacer un estudio específico que incluya una prospección
arqueológica en la zona en que se proyecta el dragado del canal, en
coordinación con esa Dirección General." (BOE 24-10-2006)
Como sempre que se presentan eleccións, os políticos tentan vender un programa que en moitos casos contén ideas aberrantes como a que aquí se cita, a urbanización, a través dun paseo marítimo, dun espazo protexido rico en historia e patrimonio. Todas as actuacións sobre o litoral adoecen do mesmo defecto: o reclamo turístico a expensas do deterioro da costa. Os promotores coñecen moi ben o valor destes paseos marítimos que sobrevaloran as súas urbanizacións, incorporándoos á súa publicidade.
Unha actuación como esta debe ir acompañada do preceptivo permiso de Patrimonio, para o cal débese enviar un informe detallado das obras que se pensan realizar. Non nos faltan razóns para temer que unha vez máis o Concello de Pontedeume pretenda soslaiar estes requisitos e se tome a liberdade de actuar á marxe da legalidade. Pola nosa banda imos dar conta tanto á Dirección Xeral de Patrimonio como a Demarcación de Costas do perigo destas obras innecesarias e contraproducentes. Consideramos que o sendeiro natural que existe hoxe en día dende Sopazos ata a Macuca ( na foto ) xa é unha paraxe inigualábel que non necesita da man do home para melloralo. Sobre todo cando esa man está contaminada polo cemento.
Por unha gran mobilización (07-03-07)
O colectivo Fusquenlla de Pontedeume diríxese a todos cantos
grupos ecoloxistas, colectivos cidadáns e persoas en xeral,
que
teñan como denominador común a
sensibilidade pola
defensa do territorio, para propoñerlles a
formación
dunha gran coordenadora galega. A finalidade desta coordenadora sería estudar a posibilidade de organizar algunha forma de mobilización - que podería materializarse nunha gran concentración en Santiago de Compòstela - para amosar a nosa preocupación e repulsa pola degradación urbanística que estamos a sufrir en Galiza e cuxos síntomas máis evidentes son as agresións urbanísticas no litoral, a edificación masiva e descontrolada, o deterioro dos núcleos históricos das vilas, a destrucción do patrimonio arquitectónico, a perda dos sinais de identidade territorial, a desaparición dos espazos públicos, a ausencia dunha política social de vivendas e a promoción de proxectos especulativos e lesivos para o noso entorno.
Para comezar deberiamos celebrar nas próximas semanas unha reunión previa de tódolos colectivos, asociacións e plataformas interesadas coa finalidade de:
a) Estudar a posibilidade de impulsar esa mobilización.
b) preparar a convocatoria.
c) fixar as datas e atender a tódolos aspectos organizativos.
Esta reunión previa poderiase celebrar en Santiago, a ser posíbel nos primeiros días de abril.
Cremos que se dan as condicións para poder afrontar esta mobilización pola elevada sensibilidade social que existe hoxe en día.
Asemesmo, e dado o elevado número de organizacións involucradas, pedímosvos que trasladedes esta invitación a cantas asociacións vecinais, grupos ecologistas e entidades do voso entorno poidan estar interesadas. Xa creamos unha lista de correo para poder contactar entre todos os participantes.
Comunícate con FUSQUENLLA enviándonos un correo ao noso enderezo (preme aquí)
Urbanismo exacerbado:
danos sociais e ambientais por Dr.
José Galindo, Profesor da Universidade de Málaga
(05-03-07)
Podería dicirse que en todo o mundo está tendo un gran auxe o sector da construción, coas súas vantaxes e inconvenientes, chegando a cualificarse como índice do desenvolvemento ou como o maior problema ambiental. Pero é en España onde o problema é tan esaxerado que pasa os límites do tolerable. Hai quen afirma que para constatar que hai "burbulla inmobiliaria" ten que explotar, pero outros aseguran que é mellor desinflala que explotala. Sen ánimo de escribir un volume, imos a sintetizar as causas deste problema, as súas consecuencias e ata as súas solucións e riscos asociados.
seguir lendo
As Encrobas, trinta anos
despois. “A terra é nosa e non de
FENOSA” (05-03-07)
Cúmplense
estes días trinta anos dos sucesos das Encrobas, aquela
movilización popular que tivo como protagonistas
ós
veciños desta aldea do concello de Cerceda que se
opuñan
ós propósitos de FENOSA de apoderarse das
súas
terras para construir unha central térmica, aproveitando o
rico
filón de lignito escondido nas entrañas daquel
val. A
intención da empresa, que se amparaba nun decreto de
expropiación dictado polo goberno de Franco, pasaba pola
expulsión dos centos de familias que alí
vivían a
cambio dunhas
ridículas indemnizacións. Nos tempos da nacente
democracia, cando os tradicionais poderes fácticos
facían
e desfacían ó seu antollo, aquelo
parecía tan
doado como quitarlle a un neno un caramelo. Por iso sorprendeu dunha
aparente pasiva cidadanía aquela masiva
contestación.
Espoloneados pola rabia e animados por un crego de verbo encendido e
apaixoado –un crego como Deus manda-, Moncho
Valcárce, o
“crego das Encrobas” como se lle coñeceu
a partir de
entón, aquelas xentes, mulleres, homes e vellos,
enfrontáronse aquel 15 de febreiro de 1977 cuns douscentos
gardas civís que, finalmente, lograron reducilos. Pero a
empresa
non tivo máis remedio que atender ás xustas
demandas dos
veciños, que lograron un sustancial aumento das
compensacións. Trinta anos despóis naquel oco que
as
máquinas abriron na terra para explotar aquela riqueza
maldita
xa non queda carbón, no seu lugar preténdese
crear unha
lagoa e un porto deportivo. Paradoxas da Historia.
A campaña electoral de Manuel Rei (03-03-07)
As
declaracións ao xornal La
Opinión de Manuel Rei, concelleiro do BNG, nas que
defende o urbanismo que se desenvolve actualmente en Pontedeume
serían motivo de preocupación se non fose pola
proximidade das eleccións municipais;
preocupación pola
saúde do concelleiro, enténdase.
Pero se ben podemos disipar un problema de saúde, non así outro de coñecementos sobre os que o Sr. Rei parece estar escaso, salvo que o xustifiquemos polo excesivo tempo de alonxamento das áulas ao que se víu obrigado. Dende confundir terreos urbanizados con terreos urbanizabeis, ata pretender que “as obras se adecúen á licenza de primeira ocupación”, resolvendo a conxetura da obra posterior á licenza de ocupación, todo parece indicar que ao concelleiro nacionalista quédalle grande a responsabilidade de urbanismo que antes ocupaba outro dos seus correlixionarios, Tino Regueiro. Non sabemos se tal cambio é produto da defenestración deste último ou se o traspaso só é momentáneo.
Propio de quen vende un produto en período electoral, afirma que en Pontedeume néganse licenzas por estar en fase de aprobación o novo PXOM, mais esquece dicir que hai dúas semanas o pleno, a proposta do seu grupo, aprobou unha recalificación de terreos en Campolongo a instancias da empresa Ediciones Informatizadas S.A., algo que a propia Consellaría de Política Territorial denegou inicialmente. Só nos cabe pensar que a prohibición de novas licenzas resérvase para os cidadáns que buscan facer unha casa na que vivir.
Coincidimos si co Sr. Rei en que Pontedeume é diferente ao resto das vilas que nos rodean, pero esta diferencia non está dada como el di polo feito de ter menos solo “urbanizábel”, senón pola enorme cantidade de infraccións que os promotores cometen e o Concello consinte. Lembremos que hai licenzas concedidas en zonas de protección, outras en solo non urbano, acusacións fiscais de prevaricación – ás que o Sr. Rei non é alleo – licenzas revogadas por orde xudicial, e ordes de paralización que non foron acatadas pola inestimábel colaboración do alcalde que se encargou de ocultalas ante a opinión pública. Todo unha morea de despropósitos que agora o concelleiro do BNG, nun exercicio de desmemoria, pretende obviar. Como tamén esquece que formaba parte da comisión de goberno que, na pasada lexislatura, concedeu licenzas hoxe nos tribunais, e que achaca ao PSOE a responsabilidade dese mal goberno. Unha desleal falta de repecto polos seus socios de goberno.
Insistindo na particularidade de Pontedeume fai mención do alto valor paisaxístico que posúe este concello e, unha vez máis, pasa por alto as pretensións do PXOM, encargado polo seu goberno, que no seu avance admitía a construción de urbanizacións en Ombre, ás portas das Fragas do Eume, en Breamo e na costa de Boebre, triplicando a superficie de solo urbanizábel. Unha total falta de sensibilidade polo que máis apreciamos os cidadáns eumeses e unha entrega absurda aos intereses depredadores dos promotores inmobiliarios. Aínda así non é capaz de asegurar que na costa non vaian existir urbanizacións nas que o topoderoso axente urbanizador, cuestionado pola Unión Europea, se enriqueza a expensas das leiras da veciñanza. Quizais nesta falta total de sensibilidade por parte dos creadores do PXOM, haxa que buscar as razóns da tardanza da Xunta en proceder á súa aprobación inicial. Unha demora que impide ao noso concello emprender o camiño cara a un urbanismo axeitado ás necesidades reais de crecemento e salvagarda do patrimonio paisaxístico. Un planeamento urbanístico que leva 20 anos de retraso pola incompetencia dos responsabeis locais, que, como o Sr. Rei, teñen a vista posta nos intereses particulares dos empresarios da construción.
As paisaxes iluminadas (02-03-07)
A
última iniciativa do Concello en materia de
promoción
turística vai consistir na iluminación nocturna
do
castelo de Andrade. Semella que a intención dos responsables
municipais é a de converter a torre nun reclamo
turístico
nocturno. Pero, ó marxe da confusión que poder
provocar
entre o persoal asiduo ós locais de alterne, este
espectacular
despliegue lumínico, sumado o xa instalado na
ponte sobre
o Eume, suporá un notable aumento do consumo
enerxético
que en nada vai a contribuir a palia-los efectos do irreversible cambio
climático, ademáis de favorece-la
contaminación
ambiental. Este derroche por parte da entidade municipal tampouco
será un bo exemplo para suscitar na cidadanía uns
hábitos de consumo enerxético responsables e
ecolóxicos. Por outra banda, os beneficios de todo orde que
esta
estratexia de marketing poden xerar son moi discutibles.
Accións coma esta responden a unha visión desenfocada do desenvolvemento turístico da vila, ademáis de perniciosa desde o punto de vista medioambiental, e mostran ás claras a cegueira de quen procura o crecemento das edificacións pero non prevé a mellora das infraestructuras. Aínda lembramos as carencias no abastecemento de auga que se rexistraron este verán coa chegada dos novos inquilinos de Caldagueiro.
E mentres o Concello prepara, como si das festas das peras se tratara, un dispendioso espectáculo de luces, máis propio de novo rico que dun ente público responsable, o último informe do Observatorio da Sustentabilidade en España (OSE), “Sostenibilidad en España 2006”, suliña o alonxamento cada vez maior de Galicia dos criterios de sustentabilidade ecolóxica, situándonos nos postos máis baixos do conxunto do Estado en canto ó grao de cumprimento. Os datos amosan a escasa eficiencia no uso dos recursos naturais, con perdas de ata un 20% de auga na redes de abastecemento, a insuficinte depuración de augas residuais, o mantemento de sistemas de transporte altamente contaminantes, o incremento constante na emisión de gases contaminantes, a degradación do territorio, a diminución da biodiversidade (cunha das máis elevadas proporcións de mamíferos ameazados de extinción) e o aumento da producción e da incineración de lixo. Como se con estes datos non abondase, Galicia é tamén unha das comunidades do Estado que posúe un maior número de expedientes abertos por incumprimento da normativa mediambiental europea.
Sabemos que a falta de luces foi un dos tradicionais problemas para os nosos munícipes (ata as farolas lles desaparecen das rúas). Por iso, propostas deste tipo parécenos perigosas boutades.
Desacato (01-03-07)
Nun
só día foi posíbel ler nos xornais
tres distintas
noticias cun denominador común. En Ferrol, o Concello
anunciou
que non está disposto a paralizar as obras que a CPTOPT lle
obriga a suspender. En Barreiros, unha vez concluído o prazo
para todos os requirimentos de anulación
expedidos pola CPTOPT, esta recibíu un escrito do Concello
no
que lle anuncia que non vai atender ditos requerimentos. En Sada, a
mesma consellaría decidíu acudir ao xulgado pola
negativa
do Concello a anular unhas licenzas que a Xunta declaraba ilegais.
Tres casos simultaneos de desacato por parte de tres concellos ante as ordes ditadas por un organismo superior como é a Consellaría de Política Territorial.
A gravidade destes feitos trascende á propia política municipal e ten múltiples connotacións.
A confianza que os cidadáns depositamos nunha institución como o Concello, vese menoscabada por estas actitudes antidemocráticas dos alcaldes, que emulan aos rexedores dun pasado de triste recordo. Nada estraño, por outra parte, se temos en conta que algúns concelleiros hoxe en activo, proveñen do antigo réxime.
Esa mesma desconfianza corre o perigo de trasladarse ao conxunto de institucións que deberían garantir o cumprimento da lei por parte de todos os estamentos públicos: Xunta, Parlamento e Xudicatura. As medidas disuasoriasen moitos casos non se materializan ou tardan demasiado en facelo, provocando un dano de imposibel reparación.
É precisamente este tempo transcorrido ata que se dita unha resolución xudicial - a única que pode frear os delitos dos alcaldes - un hándicap que se volve en contra dos intereses da sociedade. Se a resolución xudicial pasa por demoler as obras ilegais, o erario público, é dicir, os nosos impostos, será o encargado de sufragar os gastos derivados da irresponsabilidade de certos alcaldes, cando en moitos casos estes se enriqueceron coas prebendas dos promotores.
Máis difícil de entender é o por que os encargados da administración local non teñen temor das resolucións xudiciais e optan por continuar coa política de gobernar exclusivamente para o mundo da construción. Tal grao de ousadía precisa dunha total falta de respecto polos veciños que un día confiaron nas súas promesas electorais, e un afán desmesurado polos beneficios obtidos como contrapartida polo seu comportamento.
Se hai algunha solución a este problema, debe vir dada por unha actuación rápida e severa do poder xudicial. Só demostrando que os alcaldes poden pagar con fortes penas, como calquera outro cidadán, polos delitos urbanísticos cometidos, sería posíbel atallar esta continua depredación do territorio no que nos asentamos. Só deste xeito lograríase equiparar os deberes dos alcaldes cos do resto dos cidadáns. A realidade demóstranos que poucas veces isto sucede.
