Abril 2007

Nova recalificación en Pontedeume 29.04.07

Belarmino despídese do concello facendo o único que sabe facer

O Concello está tramitando a concesión dunha nova recalificación de terreos para a construción dunha urbanización en Ber. 

Un antigo proxecto desestimado por invadir a zona de protección costeira, sería agora recuperado para evitar someterse á nova Lei de Medidas Urxentes de Protección do Litoral que está a piques de ser aprobada polo Parlamento. Esta lei, que impide a construción a menos de 500 m. da costa, imposibiliatría a devandita urbanización. A pesarres das recentes promesas do concelleiro de urbanismo, Celestino regueiro, que asegurou que a franxa litoral de Centroña e Boebre quedaría libre de construcións,unha ameaza máis se cierne sobre a costa eumesa

A inoportunidade deste proxecto é algo que non se lle escapa a ninguén. A paraxe que vai desde Pontedeume ata Boebre merece ser conservada e protexida, mesmo é cuestionábel a actual urbanización de Ber. 

Non caben razóns para xustificar esta nova aberración en Pontedeume. O PXOM está en trámites de ser aprobado e todas as recalificacións e novos proxectos deberían ser suspendidos ata a aprobación final do plan xeral. Unha moratoria que a razón impón por riba dos intereses particulares de certos promotores. 

O comportamento do goberno local é impropio de quen di defender á cidadanía e de quen, como no caso do BNG e PSOE, apostan para as próximas eleccións pola defensa dun urbanismo baseado nun crecemento responsábel e na transparencia na toma de decisións, así como na defensa do interese xeral por riba do interese particular. Exiximos que estas promesas propias do período electoral se materialicen na oposición a estes plans que degradarán aínda máis unha das zonas máis apreciadas polos eumeses. Non é tolerábel cementar máis o concello nin facelo ás costas dos cidadáns que temos o dereito acoñecer e decidir  o futuro de Pontedeume

Reprobamos que o alcalde e o seu equipo de goberno, conscientes de que xa non teñen nada que perder, se despidan da función pública dilapidando o patrimonio deste concello. Convencidos de que non poderán seguir exercendo o goberno como o fixeron ata o día de hoxe, dunha forma permisiva para os promotores inmobiliarios e lesiva para Pontedeume, desaparecen con resentimento e deslealdade.

Exiximos aos membros do goberno, á oposición e aos partidos políticos se opoñan a estes plans que, amais de atentar contra o ben máis preciado que temos, dana irreversiblemente o futuro de Pontedeume e supón unha burla ás demandas da veciñanza na procura dun hábitat respectuoso co medio ambiente e a paisaxe, e garante dunha maior calidade de vida.

Máis información en La Opinión

6 de maio 29.04.07

A práctica totalidade das organizacións ecoloxistas galegas reunidas nunha asemblea que se celebrou en Santiago o pasado día 31 de marzo, acordamos, por unanimidade, convocar unha manifestación para o día 6 de maio en Compostela. 

Máis de 50 colectivos de toda Galiza coincidimos na necesidade de celebrar este acto reivindicativo e de denuncia.

Denunciamos o grave estado de deterioro e  de crecente degradación en que se atopa todo o territorio galego, un acelerado proceso de expolio e destrucción que afecta tanto á costa como ao interior.

Reivindicamos as medidas necesarias para frenar este desastre:

O cumprimento da lexislación vixente
Unha nova Lei de Ordenación do Territorio
Promover unha Estratexia de xestión integrada do litoral
Protección efectiva e ampliación da aplicación das figuras de protección ambiental
Transparencia e participación da cidadanía nas decisións que afectan ao territorio
É dicir: A implantación dunha nova cultura do territorio

Manifesto das organizacións convocantes

A situación do territorio galego é catastrófica. Por unha banda, o factor agrícola e gandeiro desaparece literalmente da superficie do País e, pola outra, un urbanismo disparatado, unha forestación masiva e mercantilista e unha predación sen taxa nin medida dos xacementos xeolóxicos está a mudar o rostro de Galicia para mal e ao servizo só duns poucos.

Ate o de agora, unidos os intereses dos especuladores cos intereses da administración autonómica e municipal indisolubelmente, lanzouse unha carreira en persecución do lucro inmediato cuxa meta parece ser a destrución dos valores (que o son tamén económicos) da nosa paisaxe e da nosa herdanza natural, así en terra como en mar.

Pensamos que a situación actual esixe un golpe de leme para mudar este rumo que nos conduce á catástrofe no que ao medio ambiente se refire. E esa mudanza, de natureza política, debe ter en conta os intereses da maioría da poboación que desexa un País ordenado, racionalizado e próspero. O tempo da permisividade unida á corrupción nos concellos e na Xunta  ten que rematar e todos e todas temos que acelerar ese final.

Pensamos que a actual Xunta de Galicia e os concellos que saian das vindeiras eleccións deberán coordinar os seus esforzos. E non só iso: a lexislación deberá modificarse e os poderes centrais de Galicia están chamados a elaborar un PLAN DIRECTOR DE ORDENACIÓN DO TERRITORIO, naturalmente discutido e consensuado polas organizacións sociais e núcleos de opinión. Esta participación das multitudes na elaboración de tal Plan Director constituirá a garantía de que sexa plenamente democrático. Ora ben, sen planificación central e democrática da ordenación territorial o caos perpetuaríase.

Desde A Guarda a Ribadeo, desde O Caurel á Terra Cha, un terremoto de especulación e depredación da terra e do mar está destruíndo a nosa natureza, a nosa paisaxe e a nosa forma de vida. Está destruíndo, polo tanto, a propia identidade de Galicia. Soou a hora de que digamos: ABONDA!

A mobilización do 6 de maio en Compostela ten que significar unha grande xornada de esperanza e unha chamada á Xunta de Galicia e as administracións locais para que exerzan realmente o poder de que dispoñen para frear esta vaga de degradación e dilapidación do noso patrimonio sen se deixar intimidar polas forzas poderosas do diñeiro e da cobiza.  

Representantes do mundo da cultura que asinaron o manifesto 

Xosé Luís Méndez Ferrín. Escritor, catedrático e académico.
Darío Xohan Cabana. Escritor,a cadémico.
Xosé María Álvarez Cáccamo,escritor.
Antón Santamarina Fernández, académico e catedrático USC.
Pedro de Llano, arquitecto.
Francisco Fernández Rei, académico e catedrático USC.
Gustavo Luca de Tena, xornalista.
Francisco Sampedro, filósofo, ensaísta.
Margarita Ledo Andión, directora de cine. Catedrática USC.
Antón Seoane, músico e psiquiatra.
Suso de Toro, escritor.
“Berrogüetto”, grupo musical.
Agustín Fernández Paz, escritor.
Marilar Aleixandre., escritora.
Carmen Nogueira., artista plástico.
Anxo Angueira., escritor.
Gonzalo Navaza., escritor e catedrático UVigo.
Antón Cortizas Amado, mestre e escritor.
Xosé Manuel Souto González, doutor en Xeografía e catedrático.
Ramón Lorenzo Vázquez., académico e catedrático USC
Xosé Miranda, escritor.
Pilar Faxil, documentalista.
Xabier Cordal, escritor.
Iván Prado, pallaso internacional.
Juan Carlos Román, artista plástico.
X. Antón L. Dobao, escritor.
Fran Alonso, escritor.
Elvira Riveiro Tobío, escritora.
Manuel Seixas. Profesor, escritor e músico.
Fon Román, músico.
Xavier Senín, catedrático.
Xoan Anleo, artista plastico.
“Lamatumbá”, grupo musical.
Alba Nogueira, profesora Titular de Dereito Administrativo USC.
Ángeles Castro Dapena, arquitecta.
Mª Carmen Fernández Rodríguez, deseñadora.
Xabier Vence Deza. Catedrático de Economía USC.
Mª Xosé Lázare Fouce
Camiño Noia Campos, UVigo.
Xulián Maure Rivas, profesor e escritor
Xaime Nogueira Meixe, libreiro.
Xosé M. García Crego, técnico editorial.
Carme Hermida Gulías, profesora Xornalismo USC.
Xosé Luís Regueira, profesor Filoloxía USC.
Xosé Manuel Eyré, crítico literario.
Xosé Henrique Costas, catedrático UVigo.
Xosé A. Laxe Martiñán, músico.
“Dakidarría”, grupo musical.
Jorge Salgado Cortizas, arquitecto.
Alberte González Rodríguez, arquitecto
Francisco X. Redondo Abal, bibliotecario e investigador.
Amparo Solla González,  UVigo.
Manuel Igrexas, historiador.
Lourdes Pérez González
Iñaqui Solla Covelo, bibliotecario
Xosé A. Fernánez Salgado,  UVigo.
Uxío-Breogán Diéguez., historiador.
Ana Iglesias Álvarez,  UVigo.
“Skacha”, grupo musical.
Asoc. Cultural "Amigos do Mosteiro" de Melón
Xavier Blanco, mestre de gaitas, Moaña
Mª Teresa Bermúdez Montes, UVigo.
Mariano Abalo, funcionario.
José Ángel Carreira Montes, arquitecto.
Juan José Soto Vidal, funcionario.
Manuel S. Fernández Álvarez, UVigo.
Brais González Pérez, escritor.
“Soak”, grupo musical.
Moncho Leal, mestre. 
Xosé Luís Santos Cabanas. 
Xoán Manuel Estévez Freijeiro.
Aitor Rivas, profesor.
Fátima Ferreira Golpe
“Skarnio”, grupo musical.
Manuel Vidal Villaverde, escritor.
Fidel Diéguez Díez, profesor.
Mercedes Martínez Fernández
Natanael L. Caeiro
Mon G. Buhigas
Emma Lázare.
Jorge Salvador Fernández  
Pablo C. Rielo Rodríguez
Óscar Antón
Emilio García Lorenzo
Rafael Balado Merino
Carlos E. Ríos Regueira
Xosé M. Felpeto Enríquez
Xoán Hermida, director de Amarante
Antón Cortiza, escritor
Xosé María Álvarez Cáccamo, escritor
Mabel Ribera, actriz
Manolo Rivas, escritor
Xabier P. DoCampo, escritor
Jorge Salvador Fernández, arquitecto
Manuel Fernández González, arquitecto.
José Díaz Vieites, arquitecto.
Manuel Lamas Castro, serígrafo.
Gonzalo Velasco Vieiro, pintor, grabador.
Pedro Agrelo Balado, deseñador.
Delfín Blanco Rodríguez, escultor.
Fernando López-Quiroga Teijeiro, deseñador
Xaquín Marín, debuxante
Daniel Hernández Ruiz
Suso Lista Neira, actor y blogger
Iago Garcia-Echave Puente, Arquitecto
Daniel Caxigueiro. Escultor
Xermán A. Refojo. Artista plástico
Sara Sánchez Piñeiro. Filóloga
Cristina Prieto Ledo, fotógrafa
Ricardo Méndez Maroto
Ana Monteserín Cancio, filóloga
Luar Na Lubre, grupo musical
Paco Souto, poeta
Miguel Mira Rey, musicoterapeuta
Xabier Gómez Santiso, músico
Felipe-Senén López Gómez, historiador da arte

 
Descarga aquí os carteis e distribúeos
Descarga aquí o banners nº 1 para á túa páxina web
ou aquí o banner nº 2

O 6 de maio na prensa

El País: Máis de 40 grupos ecoloxistas, contra a depredación da costa e dos ríos.

Máis de 40 asociacións ecologistas, case todas as que operan en Galicia, lograron unir as súas forzas para convocar unha manifestación conxunta, que se desenvolverá o 6 de maio en Santiago
Seguir lendo

Galicia Hoxe: Ecoloxistas de tada Galicia únense nunha gran protesta en defensa do territorio

Reclaman deste xeito a implantación dunha nova cultura do territorio", que debería plasmarse nun plan director de ordenación
Seguir lendo

Diario de Ferrol

a combinación de abandono, incompetencia, ignorancia, especulación e unha extrema ambición depredadora leva décadas destruíndo o territorio escudándose na xeración de emprego, progreso e mellora da calidade de vida.
Seguir lendo

Vieiros 

A excesiva urbanización que cementa o litoral con vivendas innecesarias, o deterioro de zonas protexidas por mor de piscifactorías ou a explotación daniña de paraxes naturais como a Serra do Courel, sen esquecer a ameazante planta de gas na ría de Ferrol, hipotecan o futuro desta terra a cambio do enriquecemento duns poucos. Un enriquecemento que propicia a aparición de comportamentos sociais perversos como a especulación e a corrupción. Se a primeira encarece o prezo da vivenda ata o punto de facela un ben imposíbel á maioría da poboación, a segunda infecta ás administracións locais socavando a confianza que os cidadáns teñen nas institucións que deberían ser o garante dos intereses públicos.
Seguir lendo

El Foro metropolitano de Vigo

Galiza non se vende - Terra viva e vida digna para tod@s
Este é o eslogan da manifestación convocado por varias organizacións ecoloxistas de Galiza
Seguir lendo

GZnación

Máis de 40 colectivos ecoloxistas convocan para o 6 de maio en Compostela unha manifestación en defensa do territorio
Seguir lendo

La Región

Asociaciones ecoloxistas convocan unha manifestación para denunciar o‘deterioro e degradación’ do territorio galego
Seguir lendo

El Ideal Gallego

Un 40 grupos ecoloxistas chaman a unha manifestación o día 6 de maio
Seguir lendo

O alcalde debe dimitir 27.04.07

Belarmino asegura que se enterou por uns amigos que a recalificación de Andrade afectaba a outras persoas

Tanto Belarmino como Tino Regueiro admitiron no pleno de onte que non viran os planos do proxecto, o que non foi impedimento para aprobalo. Custa traballo crer nas súas palabras xa que de ser certas demostrarían un grande desleixo. Máis ben cremos que prefiren pasar por incompetentes antes que por malintencionados.

Sexa por unha razón ou outra, o certo é que decidiron sobre as propiedades de terceiros sen a súa aprobación. Amais da burla posterior aos afectados e á cidadanía. Semellante irresponsabilidade só se pode pagar coa dimisión dos actores desta farsa feudal.


Recollemos a noticia da Opinión:

O Partido Popular e o Círculo de Opinión Eumés (COE), partidos que conforman a oposición no Concello de Pontedeume, acusaron onte ao Goberno local -PSOE, BNG e Independentes- de informar "parcialmente" sobre o expediente de recalificación de Einsa.

A modificación puntual das normas subsidiarias para cambiar de uso rústico a terciario industrial 136.000 metros cadrados de superficie na parroquia eumesa de Andrade foi aprobado por unanimidade polo pleno o pasado mes de xaneiro. O expediente de recalificación afecta de forma directa a unha ducia de veciños da zona, propietarios do 20% dos terreos, que foron informados do proxecto unha semana antes de que finalizase o prazo de presentación de reclamaciones ao expediente, segundo denuncia a oposición.

A partir dese momento os afectados mobilizáronse e protestaron ante o Concello, polo que o alcalde decidiu, a finais de marzo, aumentar nun mes o período de reclamación do proxecto. Os propietarios reprochan que non se contase en ningún momento coa súa opinión e critican que a empresa presente uns planos pero non un plan para a superficie que desexa recalificar.

No pleno celebrado onte a Corporación tratou o expediente de Einsa no apartado de ruegos e preguntas. Segundo o portavoz do COE, Fernando García, na comisión informativa na que se abordou o proxecto "non se contou toda a verdade". "Tanto na exposición que fixo Carlos Martínez -propietario da empresa e fillo adoptivo do Concello de Pontedeume- como na do concelleiro de Urbanismo, Celestino Regueiro (BNG), non se dixo que afectaría a particulares", destaca García. De feito, o representante do COE asegura que se tivesen os mesmos datos que tiñan en xaneiro, antes da aprobación do expediente, votarían de novo a favor de cambiar o uso dos terreos.

Á sesión plenaria celebrada onte acudiu medio centenar de veciños, boa parte deles afectados polo expediente de recalificación da empresa de artes gráficas. En canto á sospeita de que Einsa desexe cambiar o uso dos terreos para edificar -os veciños temen esta posibilidade porque a empresa anunciou un expediente de regulación de emprego en xaneiro e Fusquenlla advertiu de que está vinculada a Edicións Informatizadas Inmobiliaria- o Goberno local sinalou que é imposible, xa que habería que recalificar de novo os terreos. "Unha señora de 80 anos que vive soa está moi preocupada porque o proxecto implica a derriba da súa casa. Tratamos de tranquilizala, xa que o expediente debe seguir un procedemento longo e corrixirase para tratar de chegar a un consenso cos afectados", sinalou García Sande. O portavoz do COE tamén afirmou que á pregunta de se lera o documento presentado por Einsa o concelleiro de Urbanismo respondeulle co mesmo interrogante.

O PP coincide co COE en asegurar que o equipo de Goberno ocultou información. A concelleira popular Alejandra Villanueva negou que a oposición se houbese desinteresado polo tema, tal e como acusaron desde o Goberno local. "Estiven na comisión informativa na que se abordou o proxecto e suponse que nestes encontros o equipo de Goberno informa á oposición, eu non son técnica. Dedícanse a dicir que votamos a favor e foi así, pero o fariamos de novo se tivésemos os mesmos datos", destaca.

Villanueva tamén considera unha "vergonza" terminar "así" a legislatura e asegura que a metade do equipo de Goberno ignoraba que o proxecto afectase a particulares: "O propio alcalde recoñeceuno, dixo que se decatou porque o chamaron uns amigos e asegurou que era cousa do equipo redactor". A empresa que elaborou os planos foi Consultora Galega, a mesma que prepara o Plan Xeral de Ordenación Municipal (PXOM). O PP preguntou no pleno por este documento, xa que a Xunta comprometeuse a entregar un primeiro informe do mesmo en xaneiro, pero Regueiro asegurou que aínda non saben nada. O primeiro edil eumés, Belarmino Freire, comprometeuse, pola súa banda, a analizar de forma exhaustiva as alegaciones ao proxecto de Einsa, aínda que se prevé que deberá resolvelas o Goberno local que se forme tralas próximas eleccións locais.

Ante o 6 de maio 26.04.07

O deterioramento do territorio, que se manifesta en múltiples actuacións, exixe unha resposta cidadá e institucional rápida e categórica. Como galegos temos a obriga de salvagardar o que é o patrimonio máis valioso que posuimos, a paisaxe. E a mellor forma de acadar este reto é emprazando á Xunta de Galiza a levar a cabo cantas accións sexan precisas para poñer coto aos desmáns dos promotores inmobiliarios e demais empresas, que non dubidan en asolar o territorio ante a posibilidade de obter cuantiosos beneficios da forma máis doada.

A excesiva urbanización que cementa o litoral con vivendas innecesarias, o deterioramento de zonas protexidas por mor de piscifactorias ou a explotación daniña de paraxes naturais como a Serra do Courel, sen esquecer a ameazante planta de gas na ría de Ferrol, hipotecan o futuro desta terra a cambio do enriquecemento  duns poucos. Un enriquecemento que propicia a aparición de comportamentos sociais perversos como a especulación e a corrupción. Se a primeira encarece o prezo da vivenda ata o punto de facela un ben imposíbel á maioría da poboación, a segunda infecta ás administracións locais socavando a confianza que os cidadáns teñen nas institucións que deberían ser o garante dos intereses públicos.

A estas actuacións  insostibeis hai que engadir a ausencia dunha realista política de vivendas sociais, o abandono dos centros históricos de moitas das nosas vilas e dos nucleos rurais, a destrución do patrimonio arquitectónico, a desaparición de espazos públicos e zonas verdes, a falta dunha lexislación medio ambiental que evite a contaminación masiva de Galiza, en definitiva, a degradación do territorio que cada vez máis é vítima do afán desmesurado dos que, en connivencia coas institucións, detentan o poder económico.

O actual planeamento urbanístico é un espazo restrinxido aos empresarios e promotores, que deseñan as nosas cidades e vilas sen atender ás necesidades da poboación e á procura dunha maior calidade de vida. Unha cidadanía que ten vedado o control e a participación na elaboración dos proxectos que definirán o seu hábitat. Unhas prácticas que ameazan a identidade da nosa terra e o noso futuro.

O colector de augas residuais de Ber verte directamente na praia 20.04.07

O xornal La Voz de Galicia informa hoxe de verteduras contaminantes ao mar onde "un cano de augas residuais verte directamente na area da praia de Ber, en Pontedeume, para desgusto dos veciños desa zona costeira de Boebre que temen que chegue o verán e volvan os malos cheiros ao principal areal de Pontedeume".

"Os veciños de Ber dirixíronse en numerosas ocasións ao Concello eumés, de momento con pouco éxito. Reclaman que se retire o colector ou que se repare de modo de que as verteduras non se produzan na area."

As augas residuais de Ber non pasan pola depuradora, como sería desexábel, senón que a través dunha tubaxe rota se depositan sobre a area da praia.

Tamén as augas residuais de Centroña van parar directamente ao mar. Algunhas bombas que deberían canalizar as augas ata a depuradora desapareceron do lugar no que supostamente deberían estar asentadas.

"La Opinión": A Xunta impón unha multa ao Concello de Pontedeume polas verteduras provocadas por un promotor en Vizús 19.04.07


Augas de Galicia impuxo unha sanción de 6.010 euros ao Concello de Pontedeume por permitir un vertido de augas residuales non autorizado no regato de Vizús, na parroquia de Centroña.

O departamento autónomo, que depende da Consellería de Medio Ambiente, enviou varios escritos ao Concello sobre este asunto. O pasado 19 de xaneiro advertía ao Goberno municipal de que non constaba que Eugenio Molares Doval, propietario de tres vivendas en Vizús, tivese autorización para verter augas residuales ao regato que leva o mesmo nome. A Xunta de Goberno local acordou entón comunicar á Subdirección xeral de xestión do dominio público hidráulico a dirección do responsable dos vertidos, Molares Doval, para a notificación.

Augas de Galicia enviou un novo escrito o 7 de febreiro no que desestimaba o recurso de alzada interposto polo Concello contra a resolución do expediente sancionador aberto polo departamento autónomo contra o Concello. Nesta ocasión os responsables municipais acordaron interpoñer un recurso contencioso administrativo contra devandita resolución e pagar a sanción de 6.010 euros imposta por Augas de Galicia "antes do 20 de marzo". Eugenio Molares é propietario da empresa Eumegas, que distribúe gas butano e vende polo miúdo combustibles, carburantes e lubricantes. Ademais, posúe un bazar de electrodomésticos no centro da localidade.

O concelleiro de Obras, Manuel Allegue, recoñeceu onte que Augas de Galicia multou ao Concello polos vertidos. "Sé que puxo unha multa para que se limpase e limpouse. Mandouse un camión cisterna, pero non retiraron a sanción". Allegue critica que a Xunta multe ao Concello polos vertidos "de dez ou doce casas" cando "cidades como Ferrol,

A Coruña e Vigo carecen das depuradoras necesarias". "#Dar+lle+lle por cargar sempre contra o Concello, hai unha ducia de casas, non hai máis, pero se vai a instalar o alcantarillado e bombearase a auga ata a depuradora da Macuca", explicou o responsable municipal de Obras.

O pasado mes de xuño Xuventudes Socialistas de Pontedeume alertaba da existencia de vertidos ilegais de escombros no castro de Centroña e no camiño que leva ao lavadero de Cermuzo, en Campolongo. A agrupación xuvenil do PSOE instó entón ao Goberno local a adoptar medidas "urxentes" ante este tipo de prácticas e a impoñer un "severo castigo" aos responsables dos vertidos.

Na zona coñecida como castro de Centroña atopáronse pezas de gran valor arqueológico, como o torques de tipo ártabro depositado no castelo de San Antón, na Coruña. No lugar tamén se poden observar restos dunha antiga fortificación, de feito, as excavaciones dirixidas polo arqueólogo astorgano José María Luengo nos anos 50 desvelaron que existen vestixios dunha gran construción decorada con mosaicos que datan do século IV.

No mes de febreiro Fusquenlla denunciou publicamente a concesión de licenzas en Centroña e Boebre. Estas licenzas, entre as que se atopan as causantes destas verteduras, foron concedidas a pesar dun informe xurídico contrario asinado pola Secretaria do concello. Nel se manifestaba que os artigos das Normas Subsidiarias que xustificaban estes permisos quedaban derogados pola posterior Lei do Solo de Galiza e pola LRSV de ámbito estatal dos anos 1997 e 1998, respectivamente.

Diario de Ferrol: "Fusquenlla respalda aos veciños fronte ás intencións de Einsa" 17.04.07

O colectivo fai constar que a constitución do negocio inmobiliario formalizouse en Madrid en novembro do ano 2005 e que, entre os seus obxectivos sociais, destaca "a adquisición, enaxenación e goce por calquera título, arrendamento, construción e promoción de toda clase de inmóbles, leiras, solares, pisos, locais, garaxes e naves industriais", segundo infórmase desde Fusquenlla. Tamén se di que José Carlos Mártínez Pérez e María Luisa Fontana Ruíz son os propietarios dunha nova marca inmobiliaria, que se identifica como Edicións Informatizadas Inmobiliarias e que arrincou cun capital social de 3.100 euros. Por outra banda, o colectivo refírese ás intencións da empresa no que a regularización de emprego refírese e considera que "esta operación urbanística encuberta non só dana interésesvos dous propietarios senón que pon en perigo ou futuro dá planta industrial de Campolongo, unha fábrica que pode ser pechada en beneficio de posibles futuros negocios inmobiliarios".

Concello.- A visión que desde o Concello existe con respecto a este asunto é moi contraria á exponse desde Fusquenlla. Así, o primeiro tenente de alcalde e candidato do BNG á Alcaldía de Pontedeume, Manuel Rei, di que os comentarios e o temor do vecindario ante posibles intencións ocultas da empresa é facer "futuroloxía" e aclara que o proxecto só obedece a "criterios de racionalidade urbanística". Tamén se refire á reunión que políticos, membros do comité de Einsa e afectados celebraron fai uns días e que para Rei foi "aclaratoria", e recorda que a aprobación provisional do expediente foi un asunto no que estiveron de acordo todos os grupos políticos representados na corporación eumesa. Por outra banda, recorda que, unha vez ampliado o período de exposición pública ata mediados de maio, todos os veciños poden presentar as alegaciones que estimen oportunas.

Ler en Diario de Ferrol

Comunicado do comité cidadán de emerxencia para a ría de Ferrol 16.04.07


Ler aquí

EINSA creou unha sociedade inmobiliaria para recalificar os terreos de Andrade 13.04.07


Einsa é unha empresa adicada á impresión, edición e distribución de publicacións. Posúe tres centros en Madrid, As Pontes e Pontedeume. Este último é motivo de conflicto social e laboral dende que en xaneiro do 2006 anunciase unha regulación de emprego que ameazaba con deixar sen traballo a moitos dos seus empregados.

Agora os donos desta empresa piden unha recalificación dos terreos nos que se asenta a fábrica e doutros que non lles pertencen, fincas e casas de habitantes de Andrade que non foron consultados polo destino que se lles quería dar ás súas terras. Esta solicitude foi inicialmente aprobada polo pleno do Concello de Pontedeume cos votos favorabeis de todos os grupos políticos. Os responsabeis municipais alegaron que a iniciativa tiña por obxecto ampliar a empresa e o número de traballadores. O proxecto presentado por Joaquín Martínez, en representación da empresa, sinala que o equipamento é para uso docente.

Todas os indicios apuntaban, como xa dixemos dende Fusquenlla, a unha operación urbanística encuberta que danaba os intereses dos propietarios dos terreos adxacentes, aos traballadores da propia empresa e a todo o concello de Pontedeume, lesionado pola inxente urbanización que esquilma a paisaxe eumesa. Unha recalificación como a que pretende Einsa non pode ser concedida polos motivos antes expostos, e ademais por non especificar con claridade as intencións que se persiguen con esta modificación do chan. O feito de argüir unha razón docente para a recalificación, facía sospeitar que as intencións eran outras.

Agora podemos afirmar que as sospeitas deixan de selo e confírmanse os temores. Os propietarios de Einsa diversifican os obxectivos e adícanse aos negocios inmobiliarios. Crearon unha sociedade, Ediciones Informatizadas Inmobiliarias, S.L, en novembro do 2005, con domicilio social en Madrid, cun capital social de 3100 euros e que ten como obxecto social “a adquisición, enaxenación e disfrute por calquera título, arrendamento, construción, e promoción de toda clase de inmobeis, fincas, solares, pisos, locais, garaxes, naves industriais e urbanizacións”

Os propietarios desta nova marca son José Carlos Martínez Pérez e María Luisa Fontana Ruíz.

Convén salientar que as poucas semanas de crear esta sociedade é cando se produce o intento de reestruturación da plantilla de traballadores, intento abortado polas mobilizacións sociais que obrigaron aos donos da empresa a aparcar momentaneamente a idea de despedir a unha parte da plantilla, e catro meses despois EINSA presenta por primeira vez un expediente de recalificación dos terreos citados ante a CPTOPT, expediente denegado por esta consellaría en xuño do 2006. A pesar diso o concello de Pontedeume aproba inicialmente, en xaneiro do 2007, a recalificación de 136.000 metros cadrados, dos que un 20 % pertencen a particulares alleos a EINSA. De conseguir que esta modificación das Normas Subsidiarias se leve a cabo, EINSA podería pechar a corto prazo as instalacións de Campolongo e volcarse nos negocios inmobiliarios que tantos réditos producen.

Einsa, a través das distintas fábricas que posúe, declara no último exercicio un rendemento de máis de 7 millóns de euros, o que non lle impide gozar de subvencións de máis de 1,5 millóns de euros por parte de institucións públicas. Unha proba do excelente trato que recibe dos organismos públicos, entre eles o Concello de Pontedeume, que non reparan en favorecer a esta empresa para quen a propiedade privada non merece ser respectada.

O servilismo que os concelleiros e o alcalde á cabeza demostran ter cos propietarios de EINSA maniféstase tamén na discriminación que practican en relación a outros cidadáns. Se Manuel Rei anunciaba o 3 de marzo no xornal La Opinión que non se estaban a conceder licenzas para construir vivendas, xa que o PXOM estaba en trámite de aprobación e se “debía avanzar co plano de urbanismo”, non se comprende como sen embargo si é posíbel modificar puntualmente as Normas Subsidiarias para amparar o que sen dúbida pode chegar a ser maior pelotazo urbanístico que se dea en Pontedeume.

Máis información en:

La Opinión

Diario de Ferrol

Resposta do BNG en La Opinión

O parlamento europeo aproba un informe crítico co urbanismo en españa 11.04.07

A comisión de Peticións do Parlamento uropeo (PE) aprobou hoxe co voto en contra do PP, as recomendaciones do informe crítico co urbanismo español elaborado por dous eurodiputados que visitaron a Comunidade de Madrid, a provincia de Almería e a Comunidade Valenciana. Segundo este informe o urbanismo que está padecendo España é un atentado contra dereitos fundamentais, movido por intereses bastardos de construtores sen escrúpulos conchabados con alcaldes de poucacategoria.

Os comisionados esgotan as expresións de dureza. Falan de "formigonamento da costa" e do "descomunal enriquecimento dunha pequena minoría a costa da maioría".

"As vítimas cóntanse por decenas de milleiros" ao ver os veciños dos pobos que "de súpeto o tamaño e a poboación das súas comunidades multiplícase máis aló de toda proporción como consecuencia das ambicións de alcaldes de medio pelo"


O informe reclama ás autoridades españolas, en particular ao Goberno valenciano, que "recoñezan os dereitos lexítimos dos particulares á propiedade legalmente adquirida e establezan, por lei, criterios definidos con máis precisión (...) para evitar e prohibir os abusos do dereito de propiedade mediante decisións das autoridades rexionais e locais".

Tamén pide á Comisión Europea que examine as "posibles infracciones ao dereito comunitario e dos dereitos e principios básicos recoñecidos no Tratado da UE" aos cidadáns afectados pola "urbanización extensiva".

Cuestíonanse así mesmo "os métodos de designación e os poderes a miúdo excesivos" atribuídos aos urbanizadores e promotores inmobiliarios, reclama a participación cidadá no desenvolvemento dos plans urbanísticos e pide a creación de comisións de arbitraje para dirimir as demandas de afectados por abusos.

O representante dos Verdes, David Hammerstein, denunciou que "a democracia local foi fagocitada por uns Concellos na sombra das constructoras". "O interese público substituíuse pola idea de que urbanizar por urbanizar sempre é bo. Non se defenden os dereitos fundamentais, hai blanqueo de capitais de forma masiva, hai moitos casos de corrupción e especulación e isto é un asunto europeo", recalcou, á vez que pedía unha intervención máis decidida da Comisión.

A ministra de Medio Ambiente, Cristina Narbona, afirmou hoxe que os "problemas do urbanismo en España foron obxecto de análise moi crítica por parte da institucións europeas, non só de casos en Comunidade Valenciana, senón tamén en Andalucía, en Madrid", polo que "non é un problema exclusivo de Valencia". Ao mesmo tempo, considerou que é "un momento extraordinariamente importante porque hai esixencias europeas e hai unha propia esixencia da cidadanía respecto do urbanismo" para que este cambie.

As canteiras do Courel a ceo aberto 06.04.07

Un escrito de ADEGA no que se denuncian as canteiras que se abriron sen permiso na serra do Courel

Ler aquí

A Xunta de Galicia xa presentou a semana pasada o recurso contencioso-administrativo para que o Concello de Foz anule as licencias outorgadas o 29 de marzo de 2006 04.04.07

Transcribimos a noticia publicada hoxe pola Xunta de Galicia:

A Xunta de Galicia, a través da súa Asesoría Xurídica Xeral, presentou a semana pasada, concretamente o venres día 30 de marzo, no Xulgado do Contencioso-Administrativo de Lugo o recurso contencioso administrativo no que se solicita a anulación das licencias municipais outorgadas polo Concello de Foz na Xunta de Goberno Local celebrada o 29 de marzo de 2006.
Neste recurso, a Xunta solicita á xustiza a aplicación de dúas medidas cautelares en tanto non recaia sentencia. A primeira é a suspensión das licencias impugnadas e das obras que lexitiman esas licencias e a segunda é a anotación preventiva da acción xudicial presentada no Rexistro da Propiedade a efecto de que teña publicidade tal acción xudicial (é dicir, que no Rexistro da Propiedade figure que sobre esas fincas pesa unha acción xudicial).
A interposición deste recurso é un exemplo claro de que a Consellería de Política Territorial, Obras Públicas e Transportes, actúa sempre con criterios de coherencia, rigor e transparencia, independentemente da cor política dos concellos e dos intereses partidarios. Dito recurso, que é a canle regulamentaria establecida cando os concellos non atenden os requirimentos previos feitos por Política Territorial, tamén desminte as acusacións do Partido Popular.

Lembramos que dende o colectivo Fusquenlla solicitamos á CPTOPT unha medida semellante para suspender as licenzas sobre as que pesan ordes de paralización. Actualmente hai preto de 200 vivendas que se atopan nestas condicións en Pontedeume.

Os afectados pola recalificación de Einsa non cren que sexa para ampliar as instalacións 03.04.07

Segundo a empresa o proxecto para recalificar os terreos obedece a unha ampliación das instalacións, pero os afectados ven unh aincongruencia no feito de que hai pouco máis dun ano a empresa pretendía despedir a traballadores.
Ler en La Opinión

Ecos da convocatoria nos xornais 02.04.07

Diversos xornais xa recollen a noticia da convocatoria que os movementos ecoloxistas e cidadáns fixaron para o día 6 de maio como unha data na que amosar  a repulsa pola degradación do territorio. 

A maior parte dos colectivos ecoloxistas estiveron  presentes na xuntanza.Plataforma veciñal contra a piscifactoria de Baroña,Plataforma Quilmas, Amigos da Terra, Verdegaia, Fusquenlla, Salvemos Monteferro, Luita Verde, Ortigueira Sostible,

Greenpeace, Foro Social de Cangas, Comisiao reunificasao GZ-Portugal, Plataforma Ártabra 21, Sociedade Galega de Historia Natural, Comité Cidadán de Emerxencia da Ría de Ferrol, Plataforma contra o Viaducto e a Variante de Outes y la Plataforma para a Conservación e Rexeneración do Litoral de Bueu. A Federación ecoloxista galega escusou a súa asistencia por mor da celebración dunha asemblea pero amosou o seu apoio á manifestación.