FUSQUENLLA | urbanismo sost�bel e racional

Celebrarase ás 20:00 h no local da A.VV. de Ferrol Vello e nela estudarase a celebración dunha concentración para o vindeiro domingo ás 12 h. no peirao de Ferrol.

Por outra banda, Verdegaia critica a actuación policial de onte e a prisión do patrón maior da confraría de Ferrol. "Verdegaia rexeita e denuncia as actuacións policiais, esixe a demisión do Delegado do Goberno en Galiza, reclama a posta en liberdade do Patrón Maior e chama á participación na concentración do vindeiro 3 de Xuño."

Tamén apunta que "a Delegación do Goberno estatal en Galiza (ao igual que a Autoridade Portuaria ou a Xunta de Galiza), no lugar de defender a legalidade vixente e o sentido común púxose ao servizo dunha empresa e os seus intereses particulares. O esaxerado despregamento policial, as desproporcionadas cargas contra manifestantes, a detención do patrón maior, Bernardo Bastida, e o ingreso en prisión sen fianza deste, semellan ter unha clara intención, ademais de permitir descargas de gas concretas e garantir o funcionamento ilegal de REGANOSA. A Delegación do Goberno pretende intimidar e dividir á cidadanía que rexeita a ubicación da regasificadora no corazón da Ría de Ferrol."

Por último  "Verdegaia esixe a demisión de Manuel Ameijeiras, Delegado do Goberno, o cesamento das actuacións policiais intimidatorias e o submetimento de REGANOSA á legalidade, ao tempo que chama á cidadanía a participar na concentración convocada polo Comité Cidadán para Domingo 3 de Xuño ás 12:00 en Curuxeiras."

Soy una ciudadana de Ferrol, trabajadora y que paga sus impuestos; impuestos con los que ayer pagaron para que las fuerzas policiales me pegaran por estar aplaudiendo en el Puerto de Ferrol la llegada de los compañeros que con sus barcas, y con peligro para sus vidas por el fuerte dispositivo policial en la bocana de la ría  que habían abortado la entrada de un nuevo gasero en esta angosta ría.

Cristina Meizoso Alonso

Detido o patrón maior de Ferrol nunha carga policial contra mariscadores que impedían a entrada do metaneiro a Reganosa 29.05.07

Noticia publicada en Galicia-Hoxe

 17.53h. Tras lograr impedir a súa entrada hoxe, os mariscadores anunciaron que mañá volverán realizar o mesmo tipo de accións

O patrón maior da Confraría de Ferrol, Bernardo Bastida, foi hoxe detido nos enfrontamentos que se produciron cando os mariscadores intentaban impedir a entrada na ría do metaneiro 'Mourad Didouche' e no que se produciu unha carga policial contra os que esperaban a chegada das 40 embarcacións que participaron na acción.

O segundo barco que chega con destino a Reganosa dende a entrada en funcionamento en probas da planta de gas de Mugardos (A Coruña) non puido finalmente acceder pola protesta do colectivo que, tras o arresto de Bastida e a resposta policia, decidiu dirixirse en masa ao cuartel da Guardia Civil de Canido onde foi trasladado o patrón maior.

As embarcacións permaneceron á entrada da ría ata as 16.00 horas cando finalizaba a preamar diúrna, xa que despois o metaneiro xa non podería manobrar para atracar. Por estes motivos, o 'Mourad Didouche' diríxese agora mesmo á Ría de Ares, onde fondeará ata que suba de novo o mar para intentar de novo entrar a Reganosa.

As embarcacións dos mariscadores estiveron na zona, dando voltas, para evitar así --segundo explicaron a Europa Press-- estar parados e que as tres patrullas da Guardia Civil lles tirasen auga dende as zódiacs para dificultar esta medida de obstrución.

O metaneiro chegou a situarse a dúas millas da entrada do Reganosa, custodiado por dous remolcadores, mentres outros dous estaban en porto xunto a lanchas dos prácticos. Dende o inicio das accións de obstrución dos mariscadores un helicóptero estivo a sobrevoar a zona.

MANOBRAS

Segundo explicaron a Europa Press os mariscadores, saíron ao mar para evitar que o metaneiro "metese o morro" na entrada do porto, porque, se é así, terían que deixalo entrar "porque este buque non podería manobrar cara a para dar marcha atrás".

Tras lograr impedir a súa entrada hoxe, os mariscadores anunciaron que mañá volverán realizar o mesmo tipo de accións, porque "dan por feito" que o metaneiro tamén volverá intentalo mañá na hora de preamar.

O buque está cargado con 55.514 toneladas de gas natural licuado (111.028 metros cúbicos). Trátase dun buque con 274,4 metros de eslora e capacidade para ata 140.000 metros cúbicos de GNL. O momento óptimo de entrada sería coa preamar diúrna, a partir de as as 15.48 horas.

O Comité de Emerxencia explicou que esta acción de obstrución é para evitar o acceso a Reganosa do buque, por considerar que a planta de gas supón un risco real para a vida das persoas en caso de accidente e que a súa posta en funcionamento danará a riqueza marisqueira da ría.

INCUMPRIMENTO

Ademais, o colectivo incidiu en que a planta de gas non debería funcionar en probas, xa que as obras de construción aínda non se finalizaron e non cumpre coa distancia regulamentaria ás poboacións próximas.

Así, o colectivo denunciou que as normas de Capitanía Marítima de Ferrol determinan que en caso de emerxencia durante a descarga, o metaneiro sexa desatracado do muelle e levado ao fondeadoiro de Santa Lucía, situado a uns cen ou douscentos metros, máis cerca aínda do núcleo de poboación principal de Mugardos e da cidade de Ferrol.

Para Carmelo Teixeiro, coordinador do comité, as normas de Capitanía Marítima confirman que, en caso de emerxencia, o metaneiro non podería saír ao mar como require a norma EN-1532 e suporía unha clara ameaza á vida da poboación.

O Comité Cidadán de Emerxencia --apelando á "defensa da vida da ría e da legalidade"-- solicitou ás autoridades competentes que prohiban a entrada do buque, baseándose en que Reganosa "non ten todos os permisos en regra e en que é imposible a saída ao mar en caso de emerxencia".

Manifesto da Plataforma Ártabra 21 pedindo a demisión do Delegado do Goberno 

Reunidos en ASEMBLEA, os membros da PLATAFORMA ÁRTABRA21 ás 7 da tarde no Centro Cultural Carvalho Calero, e ante a GRAVIDADE DOS ACONTECEMENTOS NO PEIRAO DE FERROL respecto a entrada ILEGAL dun gaseiro na Ría de Ferrol, segundo fallo das sentenzas xudiciais de xuño-2004 e 2006 referidas á falta dun INFORME DE IMPACTO AMBIENTAL.

A ASEMBLEA PA21 trata de realizar unha análise que explique algún razoamento para que as actuais forzas políticas no poder xustifique o que consideramos unha BRUTAL ACTUACIÓN POLICIAL, ADEMAIS DE PARTICIPAR FORZAR MILITARES.

A ASEMBLEA MANIFESTA E ACORDA :

1 .- ESIXIR RESPONSABILIDADES POLITICAS , POR MILITARIZAR PARTE DO CONFLITO NUNHA COMPETENCIA CIVIL.

NON PODEMOS CONSENTIR QUE AS AUTORIDADES CHAMADAS PROGRESISTAS RECURRAN A E ESTES METODOS IMPROPIOS DESTES TEMPOS E QUE ESIXIREMOS UNHA ACLARACIÓN NAS INSTITUCIONS E PARLAMENTOS.

2 .- CONDENAMOS OS METODOS UTILIZADOS POLOS EXCESOS POLICIAIS DESMEDIDOS CUNHA SAÑA NA CARGA QUE LEMBRAN AOS VELLOS TEMPOS DOS “GRISES” .

3 .- ESIXIMOS A POSTA EN LIBERDADE DO PATRON MAIOR DA CONFRARIA DE FERROL, BERNARDO BASTIDA.

4 .- APOIAR A ASEMBLEA CIDADÁN EN TODAS AS SUAS DECISIÓNS E MESMO NAS DENUNCIAS XUDICIAIS.

5 .- PEDIRMOS A DEMISIÓN DO DELEGADO DO GOBERNO, POLA FALTA DE TALANTE DEMOCRATICO , OFRECENDO COMO ALTERNATIVA DE DIALOGO A BRUTALIDADE POLICIAL .

FERROL A 29 DE MAIO DE 2007.

O Comité cidadán tentará impedir hoxe a entrada na ría dun gaseiro 29.05.07

Segundo publica o xornal Diario de Ferrol un buque cargado con gas natural licuado podería entrar na ría de Ferrol para abastecer a planta de gas de Reganosa.

Traducimos do Diario de Ferrol:

Os candidatos pasan sobre ascuas polo urbanismo 26.05.07

Recollemos do xornal La Opinión as valoracións que os candidatos á alcaldía de Pontedeume fan sobre os problemas de urbanismo, un tema que centra as máis grandes controversias nos concellos galegos.

O urbanismo foi outro dos principais temas da campaña. Fai máis dun ano que o colectivo Fusquenlla comezou a denunciar varias irregularidades urbanísticas no municipio -Caldagueiro, casa de don Pablo e vivendas unifamiliares levantadas en chan rústico de protección costera- . Fai algo máis dunha semana advertía de que, á porta das eleccións, o Goberno local tramitaba a construción de tres urbanizacións na parroquia de Boebre.

Os socialistas aseguran que no caso de Caldagueiro e da casa de don Pablo "faría cumprir a legalidad". "Non podemos facer outra cousa se eses edificios adoecen dalgunha irregularidade", subliña. Para Vilariño, "o eslabón máis débil en materia urbanística é o Concello" e reprocha á Xunta que non dea "un paso á fronte e estableza unha normativa estable para que todos saiban con que regras xogan".

O Bloque defende que o Concello executou as ordes de paralización da casa de don Pablo e Caldagueiro. "Debatemos moito sobre ata onde chegar coas ordes de paralización, pero antes de dar a licenza de primeira ocupación queremos pensar que eses temas solucionaranse", recalca. Tamén considera que houbo un momento no que as normas urbanísticas eran "contradictorias" e asegura que no Goberno local hai "puntos de vista diferentes" sobre Urbanismo, pero non discrepancias.

As directrices do PP nesta materia son "facer cumprir a lei", aínda que considera que o PGOM "non é o tema máis importante para o cidadán do montón". Ademais, opina que en Pontedeume non fan falta moitas máis vivendas: "Levo 23 anos no mesmo edificio e sempre houbo pisos baleiros. Non hai carencia, se especula con eles, así que trataremos de evitar iso". O COE cre perentorio distinguir entre chan urbano consolidado e o que non o é "e, a partir de aí, aplicar a legalidad", así como finalizar o PGOM e incluír á vila na Axencia de Protección da Legalidad.

IEP defende, finalmente, que para adecuar a obras á legalidad e ás licenzas "hai que levantar o veto de paralización" e recoñece que na casa de don Pablo "pasáronse en volume".

Informe global 2007 sobre a corrupción en España emitido por "Transparency International"

Ler aquí un resumo do informe

O Director Xeral de Urbanismo abre expedientes por dúas vivendas unifamiliares en Boebre 25.05.07

O director xeral de Urbanismo ditou, con data do 23 de xaneiro de 2007, resolución do inicio do expediente sancionador nº 107 C 2007/2-0, incoado a José Fernández Álvarez, na súa condición de promotor, pola execución de obras de construción de vivenda unifamiliar no lugar praia de Ver-Boebre, no concello de Pontedeume.

Asemade ditou, por delegación da conselleira (Orde do 6 de marzo de 2003, DOG do 12 de marzo), con data do 30 de marzo de 2007, resolución pola que se acorda a suspensión de obras e o inicio de expediente de reposición da legalidade urbanística nº 107 B 2007/42-0, a Manuel Freire Carracedo, na súa condición de promotor, pola execución de obras de construción de vivenda unifamiliar, no lugar das Anduriñas, concello de Pontedeume.

Lembremos que a Consellaría de Política Territorial xa ditara outro expediente por unha vivenda unifamiliar en Nogueirosa. Porén, non acaba de expedientar aos promotores de aberracións tan inconmensurabeis como a de Caldagueiro ou a antiga casa de D. Pablo.

Quizais o Director Xeral teña predilección pola costa de Boebre. De ser así, que se prepare para abrir máis de 400 expedientes polas novas uvivendas que desexan construir dilixentes promotores temerosos de ser neutralizados pola Lei de Medidas Urxentes do Litoral

Política territorial denega a recalificación solicitada por EINSA en Andrade 22.05.07

Segundo informa hoxe Diario de Ferrol, a Consellaría de Política Territorial denegou a petición que o Concello de Pontedeume fixo a instancias dos propietarios de Einsa. O proxecto consistía en recalificar os terreos sobre os que se asenta esta empresa e outros colindantes de veciños que descoñecían o que o Concello pretendía facer coas súas posesións.

Transcribimos aquí a noticia tal e como a publica o xornal.

A Consellería de Política Territorial tomou o acordo de denegar a solicitude que o Concello de Pontedeume presentara, a instancias da empresa Einsa, para a recalificación de chan na parroquia de Andrade. Os veciños da zona xa respiran máis tranquilos.

O vecindario de Andrade entendera que a ampliación solicitada pola empresa Einsa podía dar lugar a unha recalificación urbanística encuberta, de aí as alegaciones presentadas ao proxecto e a denuncia pública do asunto a través dos medios de comunicación e de pancartas estratégicamente situadas ao bordo da estrada.

Agora a Xunta tamén observa que a demanda non está suficientemente xustificada e considera máis conveniente deixar as cousas como están á espera da entrada en vigor do Plan Xeral de Ordenación Municipal que se atopa en proceso de tramitación.

Polo tanto, a decisión da Consellería de Política Territorial vén darlle a razón aos 25 veciños afectados pola decisión da empresa de unificar chan coa pretensión de darlle novo uso, incluído o residencial, ou polo menos así o denunciou o vecindario. Deste negocio tampouco quedaban á marxe os propietarios dos case 50.000 metros cadrados que aínda non foran adquiridos pola empresa, xa que esta reclamáballes o 20% das súas respectivas propiedades e a participación nos gastos derivados da urbanización que se pretendía levar a cabo en toda a zona.

A reforma implicaba así mesmo a ampliación da estrada AC-151, que vería duplicada a súa actual capacidade.

Un acordo adoptado pola corporación municipal na xornada do día 25 do pasado mes de xaneiro deu lugar á aprobación inicial da modificación das Normas Subsidiarias sobre unha extensión de aproximadamente 136.000 metros cadrados. Desta cantidade, máis de 126.000 xa foran escriturados a favor da empresa que se dedica á edición de guías e páxinas amarelas para distintos países europeos e que actualmente ten en nómina a uns 90 empregados.

Como xa comentamos nesta mesma páxina a recalificación solicitada era un despropósito máis aos que xa nos ten acostumados o goberno municipal. Despois de aceptar que aprobaran a solicitude descoñecendo o que nela se incluía, os representantes da comisión de goberno tentaron convencer aos veciños dos beneficios da recalificación. Xa antes o Colectivo Fusquenlla fixo público que a empresa Einsa creara unha sociedade inmobilaria que explicaría a verdadeira finalidade da recalifcación. 

O DOG publica hoxe o anuncio da aprobación inicial do plan parcial de Ber 21.05.07

 O expediente completo atópase nas oficinas do  Concello para información pública. Os interesadios  poderán interpoñer cantas alegación consideren  oportunas. O prazo de presentación será dun mes  a partir de hoxe. O anuncio publícao hoxe o Diario  Oficial de Galicia tal e como é preceptivo pola Lei  de Ordenación Urbanística.

O urbanismo en Galiza 20.05.07

Cando se di que o cemento asolaga Galiza non se está a utilizar unha figura retórica senón unha definición exacta da realidade. En toda a historia de Galiza edificáronse 22 millóns de metros cadrados; cos novos plans de urbanismo prevense edificar outros 22 millóns de metros cadrados. É dicir, vaise duplicar nunha década o solo edificábel durante toda a historia galega.

E non se trata dunha necesidade demográfica. O crecemento vexetativo da poboación está moi por debaixo do crecemento urbanístico. Nos últimos seis anos a poboación galega creceu en 34.600 habitantes mentres que os visados de nova obra foron de 214.000 vivendas. Por cada novo habitante construíronse seis novas vivendas.

Pero si estas cifras trazan un mapa dos últimos anos, as estimacións para un futuro inmediato son aínda máis preocupantes. Só nos concellos do litoral, os novos plans de urbanismo prevén edificar 800.000 vivendas. Moito máis do que pensan edificar na Costa do Sol (Marbella incluida). E a razón está no enorme tirón que está tendo a costa galega no que a demanda de segunda residencia se refire. Un fenómeno que xa se afianzou nos últimos anos. Dende 2001 a 2005 case a metade de novas vivendas (44 %) foron de segunda residencia.

Segundo datos do Informe de Sostenibilidade de España, Galiza xa ten cosntruido o 15% do seu primeiro quilómetro de costa, unha cantidade superior á das autonomías como Baleares ou Canarias, cun forte historial turístico.

O argumento máis usado polos concellos galegos que se distinguen por conceder licenzas dun xeito xeneroso é o apoio ás arcas municipais que supoñen as taxas da construción. Porén está demostrado que isto é unha falacia. Os ingresos que os concellos perciben das promotoras inmobilaris non son máis que un 3% do que gastan os devanditos concellos, coa agravante que este miserento 3% non chega para suplir os gastos derivados das obras que os mesmos concellos deben efectuar para dotar de servizos ás novas urbanizacións. Sendo pois unha realidade que os ingresos son insuficientes para dotar de servizos ás novas vivendas cabe preguntarse por que os concellos son tan xenerosos á hora de conceder os permisos. A resposta pode estar na xa demostrada corrupción.

Se antes se falaba do crecente atractivo que supón a costa galega, convén salientar que as zonas do litoral máis demandadas pola súa beleza son a Mariña lucense e a Ría de Ares. Outros datos que corroboran a importancia das pequenas vilas en relación ás grandes cidades, está no feito de que o ano pasado o número de vivendas construidas nas primeiras superou ao conxunto das grandes cidades: A Coruña, Lugo, Ourense, Pontevedra, Ferrol, Santiago e Vigo. 

O papel que lle toca xogar a Pontedeume neste desenvolvemento urbanístico é dos máis preocupantes. Situado nunha paraxe das máis apetecibeis para os compradores de segundas residencias, por ser aínda unha zona das menos degradadas, o futuro que se vislumbra para o noso concello é moi gris, como se deduce da lectura do que será o novo planeamento urbanístico. Pontedeume ocupa o 8º lugar na táboa de concellos que máis aumentan a súa edificabilidade cun 200 %, é dicir, triplica a súa capacidade urnbanística. Unha mostra deste aumento témola na pretensión de construir máis de 400 vivendas na primeira liña de costa en Boebre. Un problema máis grave se temos en conta que, a diferencia do resto de Galiza, o crecemento vexetativo de Pontedeume é negativo. Nos últimos doce anos a poboación deste concello diminuíu un 5%.

Ortigueira	1230
Cabana de Bergantiños	621
Sada	433
Mugardos	336
A Pobra do Caramiñal	297
Illa de Arousa	251
Outes	222
Pontedeume	205
Ribeira	194
Fene	178
Ribadumia	157
Bergondo	146
Redondela	139
A Guarda	131
Narón	109
Rianxo	108
Cambados	104
Vigo	101

Concellos que prevén un aumento de edificabilidade superior ao 100% (en porcentaxe)

Fontes: Consello de Contas, Consellaría de Vivenda, Consellaría de Política Territorial, Informe de Sostenibilidade de España, Instituto Nacional de Estatística, Observatorio Inmobiliario del Centro de Investigación Económica e Financieira de Caixa Galicia, Greenpeace

O PSdeG pide ao Ministerio de Industria unha planta de celulosa para As Pontes 19.05.07

Tanto a dirección local do partido como a Consellaría de Economía da Xunta de Galiza amósanse partidarias de que As Pontes acolla unha planta de fabricación de pasta de celulosa e papel.

Un informe neste sentido foi entregado ao Ministerio de Industria solicitando a instalación de dita industria. Tamén se enviará outro informe ao Ministeiro de Medio Ambiente.

Consideran os socialistas que As Pontes As Pontes reúne toda unha serie de requisitos que o convirten no municipio idóneo para a instalación da planta de celulosa. Alegan a existencia de dous encoros de auga para abastecer a planta e lembran que a mina será convertida nun inmenso lago que podería aportar máis auga.

Tamén salientan que o concello dispón de 100 hectáreas para ubicar a planta, así como dunhas inmellorabeis vías de comunicación. Pero o máis importante é a planta de gas, que surtiría deste elemento á planta, xunto co porto de Ferrol como medio para desenvolver a súa actividade. Sen menospreciar o feito de que o concello sitúase dentro do maior entorno de produción de eucalipto deEuropa.

Máis información en Xornal.com

Especulación e mentiras 16.05.07

O goberno local acaba de aprobar o plan parcial de Anduriñas-Ber. Unha urbanización a carón da xa existente na praia de Ber que vai levantarse por iniciativa de Lar Promosa, S.A. Constará de máis de 180 vivendas entre chalés e apartamentos, cifra que poderá ampliarse a 250 vivendas por mor dos servizos adaptados. Esta actuación contempla o sistema de compensación para propietarios que non forman parte dos terreos de Lar Promosa. Unha agresión á costa eumesa que xunto cun proxecto similar en Boebre vai fortificar todo o litoral dende Centroña ata Perbes. En total suman máis de 400 vivendas aliñadas nunha zona que a nova Lei de Medidas Urxentes do Litoral pretende conservar.

O feito de que estas macrourbanizacións sexan aprobadas cando só faltan uns días para a celebración das eleccións locais pode dar unha idea da magnitude dos intereses - propios e alleos - que se poden dirimir con estas operacións. Máis que deixalo todo atado e ben atado, parece que buscan deixalo todo cobrado e ben cobrado. Tamén nos fan recordar o goberno en funcións de Manuel Fraga, concedendo "in extremis" licenzas para minicentrais. Unha práctica propia de quen foi un autócrata pero inadmisíbel en representantes do PSdeG e BNG.

Estase a vender a mellor carta de presentación de Pontedeume, o seu litoral, atendendo ás  demandas dos especuladores que demostran ter unhas dotes de persuasión capaces de subxugar a alcalde e concelleiros. Non abonda prometer, como fixeron os responsabeis do Concello,  que a costa de Pontedeume está a salvo se logo se dilapida este patrimonio en aras dunha presunta modernidade. 

Ao igual que no caso da recalificación en Andrade solicitada por Einsa, no que se aunaron os esforzos dos veciños afectados e do colectivo Fusquenlla, somos conscientes de que a contestación social é o mellor antídoto contra as pretensións urbanizadoras do goberno local. Por esa razón non escatimaremos esforzos para exixir á Xunta que impoña, por riba dos despropósitos do Concello de Pontedeume, a necesaria salvagarda do noso litoral.

Lavado de imaxe do BNG

Que Manuel Rei, candidato do BNG á alcaldía de Pontedeume, diga que o seu partido non aproba a urbanización que se pretende construir en Ber non deixa de ser un reclamo electoral sustentado na mentira. O proxecto foi presentado á comisión de goberno para a súa aprobación polo concelleiro de urbanismo e membro do BNG, Constantino Regueiro. Agora Rei anuncia que Regueiro se mantén á marxe da organización, exonerando así ao partido das irregularidades cometidas durante a actual lexislatura. A dez días das eleccións decátanse de que o urbanismo en Pontedeume estivo en mans dun infiltrado. 

Non podemos admitir esta burda actuación electoralista cando sabemos que a concellaría de urbanismo cometeu en Pontedeume unha morea de infraccións que motivaron a intervención da Xunta de Galiza. Hai máis de 200 vivendas cun expediente aberto ou con ordes de paralización, ordes que foron obviadas polo equipo de goberno. Manuel Rei non ten dereito a pregoar agora que foron eles os que denunciaron seis casetas ilegais en Ber cando permitiron e protexeron aberracións como a de Caldagueiro, a casa de D. Pablo, ou a recalificación en Andrade, sen esquecer as licenzas concedidas en zona de protección costeira de Nogueirosa ou en Centroña. 

Ler en Diario de Ferrol

O BNG considera que o seu concelleiro de urbanismo,Tino Regueiro, está á marxe da organización 16.05.07

Reproducimos aquí o artigo aparecido hoxe no xornal La Opinión

Nuria Rodríguez.Pontedeume

O portavoz municipal e candidato do BNG á Alcaldía de Pontedeume, Manuel Rei, quixo aclarar onte que a súa agrupación votou en contra da aprobación do plan parcial que permitirá construír unha urbanización en Anduriñas, en Ber.

"A postura do BNG e a do seu portavoz e foi a de opoñerse á aprobación inicial do plan, non así a do concelleiro de Urbanismo, Celestino Regueiro [tamén do BNG], que desde fai meses mantense á marxe da organización e actúa neste tema con liberdade e criterios propios. Neste caso chocou frontalmente co do BNG", aclarou Rei.

A comisión de Goberno aprobou de forma inicial a adaptación do plan parcial de Anduriñas-Ber á Lei do Só o pasado 24 de abril cos votos a favor do PSOE e Independentes en Pontedeume e en contra do BNG

-excepto do responsable de Urbanismo, que apoiou a proposta-. O proxecto foi presentado no Concello fai 14 anos e non foi adiante porque as vivendas foran proxectadas en primeira liña de costa, a menos dos 200 metros de protección do litoral recollidos na Lei do Só, que entrou en vigor en xaneiro de 2003. Con todo, o grupo Lar Promosa adaptou o plan. O que non cumpriría é a nova Lei de protección do litoral, a piques de entrar en vigor, que fixa unha franxa de protección da costa de 500 metros.

"Non estamos a favor de tramitar este plan parcial aínda que leve 14 anos no Concello e adaptásese ao que pedía o arquitecto municipal. No fondo choca coa Lei de protección do litoral, impulsada na nivel autonómico polo PSOE e o BNG", manifesta o candidato nacionalista.

Ao parecer, o pasado 16 de abril o equipo de Goberno mantivo unha reunión con técnicos da Diputación da Coruña para estudar as posibles responsabilidades patrimoniales do Concello de Pontedeume. "Aínda que se dixo que o proxecto fora aprobado por silencio administrativo, e malia a presión e esixencia dos promotores, asumimos o opoñernos a el e fixemos todo o posible para que non seguise adiante. Esperamos que a Xunta reconduza agora o tema", manifestou Manuel Rei.

O cabeza de lista do Bloque recordou que o Goberno local eumés denunciou ante o Executivo autonómico seis casetas construídas na zona de costa sen as correspondentes licenzas. "Chegounos o apoio da Dirección Xeral de Urbanismo e pensamos que van ser demolidas en breve", destacou.

O plan parcial de Anduriñas-Ber e outro presentado no municipio pontevedrés de Sanxenxo, ambos aprobados antes do ano 2002, son os únicos que, a día de hoxe, están pendentes de aprobación final, segundo explicou onte Manuel Rei.

Publicada no DOG a Lei de Medidas Urxentes do Litoral 16.05.07

Ver aquí
Texto da Lei

Pontedeume non se vende 13.05.07

Agora que se aproximan as eleccións locais, o goberno eumés toma a decisión de urbanizar  a todo tren as paraxes máis fermosas da ría, o litoral que vai dende Ber ata Perbes. Tres grandes urbanizacións, que supoñen a maior agresión urbanística que se levará a cabo en Pontedeume de non impedilo, están sobre a mesa do alcalde. O equipo de goberno xa iniciou os trámites para a súa aprobación.

Hai unhas semanas foi aprobada pola comisión de goberno o proxecto que pretende construir en Ber unha urbanización, un proxecto xa antigo que agora a punto de entrar en vigor a Lei de Medidas Urxentes do Litoral é desempolvado polo equipo de goberno "en funcións"

Tamén, a escasa distancia da anterior, outros promotores queren construir unha segunda urbanización nunha franxa de costa comprendida entre a praia de Ber e Arbosa, limítrofe con Perbes. A idea é construir máis de 200 vivendas unifamiliares que se dispoñerían ao longo do litoral, englobando outras xa existentes cuxas licenzas forn concedidas de forma ilegal polo equipo de goberno no ano 2002, cun informe xurídico negativo.

O solo no que se asentan estas vivendas e no que se queren construir outras duascentas, é solo rústico non urbanizábel, a pesar de que as Normas Subsidiarias de Pontedeume o cualifican de urbanizábel. A razón é que, neste aspecto, as Normas Subsidiarias quedan derogadas pola posterior Lei do Solo de Galiza e pola estatal LSRV. Así o entendía o informe antes mencionado para opoñerse á concesión de licenzas neste lugar.

Agora que está a punto de entrar en vigor a Lei de Medidas Urxentes de Protección do Litoral, o que impediría construir a menos de 500 m. da liña de costa, os promotores apúranse para conseguir, coa axuda do Concello, os permisos para construir un muro de cemento ao longo de toda a costa, nunha paraxe que debería ser considerada zona de especial protección paisaxística, posibilidade que xa contemplaba o borrador do anterior plan de urbanismo. Resulta paradoxo que os promotores afirmen que a alta calidade da paisaxe se verá “potenciada pola intervención proposta”

Por outra banda, calquera modificación do planeamento urbanístico deberá fundamentarse en razóns de interese público e debidamente xustificadas. Non é así no proxecto presentado que só busca a urbanización dunha ampla franxa costeira para beneficio duns particulares.

Non son estas as únicas razóns que deslexitiman o proxecto. Non existen servizos básicos de alcantarillado nin  tratamento de augas residuais. Esta exixencia nin siquera é recollida no proxecto dos promotores que só menciona a instalación de 2 depuradoras para servizo da metade das vivendas. Non esquezamos que a urbanización de Perbes, máis grande que a proxectada en Boebre, está vertendo as augas residuais á praia de Miño, e que os nucleos rurais xa asentados, Centroña e Boebre, non dispoñen dun servizo eficaz de depuración.

Na zona existen acuíferos que os promotores pretenden aproveitar para surtir de auga ás urbanizacións, o que constitúe un delito medioambiental que a Xunta non debería tolerar.

Outra das razóns, e non a menos importante, que desaconsellan estas urbanizacións reside no crecemento vexetativo do concello de Pontedeume. Nos últimos doce anos soportou unha diminución dun 5 % da poboación, unha cifra que duplicou á da provincia da Coruña no mesmo período.

Os terreos sometidos a este plan de sectorización comprenden tamén propiedades de veciños que non teñen nada que ver cos promotores do proxecto, repetíndose unha vez máis a escandalosa situación que xa se deu en Andrade, onde un particular dispón das propiedades de terceiros. Hai que lembrar que estes plans de transformación de terreos para conseguir solo residencial leva aparellada a posibilidade de que os promotores, convertidos en axentes urbanizadores, poidan expropiar a aqueles veciños que decidiron non vender as súas terras. No mellor dos casos, obrigaría a estes veciños a soportar as cargas da urbanización do sector.
 
A moratoria que, amparándose na proximidade do novo PXOM, impediría a construción de calquera urbanización non parece ser do gusto do equipo de goberno que, co seu alcalde á cabeza, prefiren garantir o lucro dos que non dubidan en arrasar un medio de alto valor ambiental e paisaxístico. Foron membros deste goberno os que, publicamente, non se cansaron de repetir que a costa estaba a salvo de urbanizacións. Palabras ocas, acompañadas de premeditación, alevosía e oscurantismo. O actual goberno local non vacila en situarse á marxe da legalidade para amparar os negocios de especuladores. Só queda que nos próximos días, burlándose da cidadanía, se xustifique alegando ignorancia  nas decisións adoptadas.

Estas modificacións do planeamento urbanístico son contratos privados entre construtores e concellos que danan os intereses da comunidade. Por un lado deixan a porta aberta a unha posíbel expropiación de terceiros; por outro, supoñen a destrución da paisaxe maís preciada de Pontedeume. En suma, riqueza para os promotores a costa do patrimonio de Pontedeume.

O día 22 de marzo a Consellaría de Política Territorial comunicou ao Concello de Pontedeume que a modificación das Normas Subsidiarias solicitada por este, a instancias dos propietarios de EINSA, se denegaba.

Porén, o 12 de abril celebrouse unha reunión cos veciños afectados pola recalificación á que asistiron os concelleiros do BNG, Manuel Rei e Emilio Salorio. Nesta xuntanza os concelleiros dixéronlles aos veciños que non había outra opción que aceptar a recalificación. En ningún momento se lles informou que a devandita modificación do solo da súa propiedade era rexeitada pola CPTOPT.

O 26 de abril, nun pleno ao que asistían moitos dos veciños de Andrade, o goberno local respostou ás preguntas da oposición sobre este mesmo tema. Tanto o alcalde, Belarmino Freire, como o concelleiro de urbanismo, Tino Reguieiro, alegaban descoñecer que a recalificación aprobada por eles mesmos comprendía terreos que non pertencían á empresa. Nesta ocasión tampouco se informou aos presentes, concelleiros e veciños, que o proxecto estaba anulado pola Xunta.

Resulta incomprensíbel atopar unha explicación a este comportamento escurantista do goberno local. Unha posíbel interpretación podería ser que o alcalde ocultase o infoprme da CPTOPT aos membrosd da comisión de goberno. Antecedentes, hainos. Lembremos a coñecida orde de paralización do edificio de Caldagueiro gardada baixo chave no despacho da alcaldía durante un ano. Outra posibilidade é que o equipo de goberno si coñecese o informe da consellaria, e decidise non facelo público dada a proximidade das eleccións locais ou esperando conseguir unha rectificación do poder autonómico. Quizais tivese algo que ver a visita que un candidato realizou aos despachos da Xunta.

Sexa cal sexa a explicación, un feito si está claro. O Concello de Pontedeume goberna sen ter en conta a práctica da transparencia que se lle supón a un concello democrático. E faino antepoñendo os intereses duns poucos aos lexítimos dereitos dos veciños, neste caso aos dereitos de propiedade.

Toda a comisión de goberno é responsábel destas irregularidades que atentan a dereitos básicos dos cidadáns: o dereito a ser gobernado na defensa dos seus intereses, o dereito a estar informado, o dereito ás súas propiedades, e o dereito a ser tratado con dignidade.

Segundo un escrito enviado pola CPTOPT ao Concello de Pontedeume, con data 22 de marzo do 2007, esta consellaría denega a solicitude de recalificación que o Concello presentara, a instancias dos propietarios de Einsa,  para recalificar terreos na parroquia de Andrade.

O obxceto da recalificación non estaba suficientemente aclarado no escrito presentado pola empresa. Desde o Colectivo Fusquenlla fíxose público que os xerentes de Einsa acababan de crear unha sociedade inmobiliaria, o que levaba a alertar da posibilidade de que detrás desa recalificación houbese un intento de urbanizar os terreos que Einsa tiña en Andrade, xunto cos pertencentes a outros propietarios que descoñecían as intencións do Sr. Martínez Pérez Mendaña.

Ademais de non estar suficientemente xustificada a recalificación solicitada, os veciños e o colectivo Fusquenlla alegaban a improcedencia de tal actuación cando o PXOM está en trámites de aprobación. Do mesmo xeito salientábase a cualificación de zona de protección forestal dalgúns dos terreos afectados pola modificación das normas sibsidiarias.

Unha vez máis demóstrase como o equipo de goberno local está moi lonxe de atender as razonabeis queixas da cidadanía e de non facer uso do máis elemental sentido común. As únicas voces que retumban nos seus oidos son as dos promotores e empresarios cheos de cobiza. 

Retomamos aquí as palabras lidas o 6 de maio en Santiago: "Cando esas voces que se alzan alarmadas, pola enorme magnitude da desfeita, son sempre desoidas, silenciadas, é que algo está fallando"

E engadimos, só a contestación cidadá pode emendar eses fallos. Como acabamos de comprobalo.

Algúns mariñeiros trataron de acceder ás embarcacións desde zonas do porto onde había menor presenza policial, pero unha patrulleira da Garda Civil bloqueoulles a saída da dársena ferrolá.

A intervención policial impediu que os mariscadores puidesen frear unha vez máis o acceso do 'Galicia Spirit'. Aproveitando a preamar, arredor das 9h45, o buque fixo as manobras de entrada á planta de Reganosa. Nesta altura da mañá o buque propiedade de Unión Fenosa e con carga de gas natural licuado, conseguiu entrarxa en Reganosa no que foi o seu quinto intento para lograr acceder á planta de Mugardos, segundo lle confirmaron a Europa Press fontes da regasificadora.

Desde o Comité de Emerxencia denuncian o uso da forza para evitar a entrada dun buque que "vai ameazar a vida da poboación" e avanzan que presentarán denuncia contra a autorización concedida polo delegado do goberno español, Manuel Ameijeiras, ademais de pediren a súa dimisión pola carga policial ordenada na mañá deste mércores.

Testemuñas presenciais relatáronlle a Vieiros a magnitude do despregue policial. Tal e como anunciara o delegado do goberno español en Galiza, Manuel Ameijeiras, as forzas de seguridade tomaron Ferrol dende primeira hora da mañá. Aos once furgóns de antidisturbios en terra, sumáronse dúas patrulleiras da Garda Civil e un helicóptero.

Desde o Comité Cidadán de Emerxencia, Alexandre Carrodeguas envíanos este artigo:

A ría é nosa e non de Reganosa
O comité de emerxencia cos bravos mariscadores ao fronte está loitando duramente pola defensa da vida e da legalidade na ria de Ferrol. Mentres, as autoridades en vez de defender a ría de Ferrol e a seguridade dos habitantes do seu contorno están a defender a "cacicada" promovida por Fraga e Tojeiro. En Ferrol xa hai un porto exterior e estase a construír outro na Coruña. Mais Tojeiro, ao que algúns confundidos chaman Toxeiro, impuxo facelo nos seus terreos de Forestal de Atlántico, na súa leira do interior da ría e fronte a unha base militar, o Arsenal de Ferrol.

Como se pode defender unha planta de Gas situada dentro duna ría como a de Ferrol, que non cumpre cos protocolos de seguridade, na que un gaseiro só pode entrar en preamar e en caso de emerxencia o barco quedaría atrapado e sin poder saír a mar aberto?

Está política de feitos consumados é asumida polo BNG e polo PSOE que en vez de parar esta barbarie súmanse alegremente á defensa de intereses espúreos. Súmanse á defensa dunha planta inviable desde os puntos de vista económico e medioambiental. Eles saben que a planta ten anulada a tramitación ambiental por dúas sentenzas do TSXG, Eles saben que non se cumpren as distancia de seguridade, Eles saben que os verquidos de Raganosa van afectar a ría. E sin embargo en vez de estar cos veciños, a vida e a legalidade,están aliados a presuntos "intereses" seica estratexicos que só benefician a uns poucos, a Tojeiro e as grandes eléctricas, Endesa e Fenoso, que tanto dano teñen feito a este país...

Por que estes partidos defenden o traslado de Ence e por outro lado apoian a instalación de Reganosa na ría de Ferrol? Os cidadáns de Ferrolterra non teñen dereito tamén a ter unha ría con vida e sen perigo ao pe da porta?

Facemos un chamamento a cidadanía galega a loitar pola vida, a legalidade e a ría de Ferrol
Información de Vieiros

O trazo da costa galega (máis de 1.600 quilómetros) viuse brutalmente transformado pola man humana nas últimas dúas décadas: un 75% da liña do litoral sufriu modificacións artificiais, un parámetro similar ao da Costa do Sol, ao ser espazos virxes convertidos en chans ocupados por residencias ou outras infraestructuras.

Este proceso constátase sobre todo na edificación de vivendas, que nos 87 municipios costeros de Galicia aumentou, de media, un 80% en cinco anos (2001-2006). Nalgunhas localidades, estas cifras dispáranse, como é o caso de Malpica (A Coruña), cun incremento de 1.700% de vivendas; Fisterra, un 444%, ou na Mariña lucense, onde, por exemplo, en Foz visáronse o ano pasado máis vivendas novas (3.207) por exemplo que na cidade da Coruña.

Todos estes datos do informe Corine Land Cover, elaborado pola Axencia Europa de Medio Ambiente e o Instituto Nacional Xeográfico, completados con recuentos do propio Colexio de Arquitectos de Galicia (COAG), serven para ilustrar as impactantes fotografías da exposición sobre os cambios de uso do chan que, organizada polo Observatorio Español da Sostenibilidad, inaugúrase hoxe na sé coruñesa do COAG.

As imaxes da exposición mostran a transformación artificial de localidades costeras como Burela, Portonovo ou Ferrol así como a desaparición, entre outras, de dúas praias urbanas da Coruña para situar unha piscina privada (no arenal do Parrote) ou un varadero e un aparcamiento de coches (en Oza).

Cifras e fotos sobre o rápido proceso de artificialización do litoral galego que avalan a oportunidade da lei de medidas urxentes de protección do litoral aprobada onte no Parlamento, destacou o presidente da delegación coruñesa do COAG, Alberto Unsain. E a pregunta agora é se se estará a tempo" de poñer coto a esta perigosa edificación da costa. E diso dependerá, alertó este arquitecto, de que se cumpra de verdade esta nova norma nunha comunidade, recordou, onde o 95% dos seus habitantes viven nun territorio "cuxo urbanismo é ilegal" porque nunca chegou a aplicarse a lei do chan en vigor.

Cando no ano 2002, o entón conselleiro de Política Territorial, Alberto Núñez Feijóo (PP), tramitou unha nova Lei do Chan para Galicia, o efecto chamada foi tan intenso que as principais promotoras inmobiliarias españolas (empresas valencianas e madrileñas) comezaron a comprar millóns de metros cadrados na costa galega. O caso é que a presión inmobiliaria tampouco cesou coas supostas medidas proteccionistas do novo Goberno do PSOE e o BNG.

Unha ondada imparábel

No ano 2006 batéronse todos os récords de edificación de vivendas en Galicia e a previsión é que este ano a construción aínda aumente por encima do 33%.

A presión sobre o territorio costero é tan forte que, neste momento, os alcaldes están tramitando (legal ou ilegalmente) a construción de 45 grandes urbanizacións en primeira liña de costa, 17 campos de golf e 24 portos deportivos.

"Non é imparable. En Nigrán demostramos que se os veciños mobilízanse, pódese parar un plan urbanístico e pódese deter esta tolemia inmobiliaria", sinala un dos portavoces dun novo movemento, Galicia non véndese, xurdido estes meses en Galicia, e que conseguiu xuntar a máis de cincuenta asociacións ecologistas de todo o territorio. Os datos indican que en 2006 construíronse en Galicia case 42.300 pisos e chalés e que en 2007 faranse 56.000 máis.
Publicado en El País

Para esta tarde suponse que haberá un novo intento por parte da compañía Reganosa. O Comité chama a unha concentración cidadá no peirao do Ferrol ás 19:30 coa finalidade de apoiar ás embarcacións que de novo partirán para impedir o acceso do gaseiro.

Por segunda vez no mesmo día, os mariscadores da ría de Ferrol impediron que o Galician Spirit, o primeiro buque que ía entrar cargado ás instalacións de Reganosa, accedese á planta de gas ferrolá.

Máis de 40 lanchas cortaron o paso ao buque, que tivo que dar a volta como xa sucedeu á primeira hora da mañá.

O presidente da Xunta, Emilio Pérez Touriño, asegurou esta mañá que é necesario cumprir a legalidade vixente e garantir a operatividade e funcionamento de Reganosa. O presidente remarcou que se trata dunha planta xa “instalada” na ría de Ferrol “que vén de tempo atrás, do anterior Goberno”, pero que agora debe transformarse nunha “iniciativa” para o desenvolvemento da comarca ferrolá.

A preguntas dos xornalistas en relación aos feitos acontecidos esta mañá arredor da entrada dun buque ás instalacións de Reganosa, o xefe do Executivo galego sostivo que existen mecanismos de diálogo e interlocución “sobrados”, pero que, en democracia, se debe garantir o cumprimento da lei, o que implica permitir o funcionamento da regasificadora de Mugardos.

O máximo mandatario galego sostivo que a planta de Reganosa xa está instalada na ría e entrará en funcionamento en breve, polo que se debe converter nun “espazo de oportunidade” e nunha iniciativa a prol do desenvolvemento da comarca de Ferrolterra e de toda Galicia.

O gaseiro Galicia Spirit, que transportaba a primeira carga de gas para as instalacións de Reganosa, na ría de Ferrol, deu a volta ante a presión dos mariscadores, que saíron coas súas lanchas para impedirlle o paso.

Os mariscadores da Confraría de Ferrol dispuxéronse cunhas 30 lanchas sobre as 7.30 horas, á espera de que chegase o gaseiro, para impedirlle o paso, pola súa oposición á instalación de gas no interior da ría.

Ao iniciar a aproximación á bocana da ría, a tripulación do Galicia Spirit decatouse da presenza das lanchas, que se situaron na zona do Castillo de San Felipe , a máis estreita da ría, e, tras permanecer un escaso tempo ante os mariscadores, deu a volta e, axudado por remolcadores, desprazouse cara ao porto exterior, por Punta Coitelada, mentres que as lanchas dirixíronse cara a el para presionar no seu afastamento da zona.

Aínda que a acción desta mañá foi protagonizada polos mariscadores da ría de Ferrol, tamén se opón á planta de regasificación os de Mugardos e Fene, que consideran que a instalación matará o marisco, ao verter auga á ría a unha temperatura inferior á natural da zona.

O Comité Cuidadán de Emerxencia da Ría de Ferrol afirmou que «non se apartará» para permitir a entrada do buque metanero ata que a empresa acredite que conta co permiso pertinente para iniciar as primeiras probas de gas na planta.

O presidente da Xunta de Galicia, Emilio Pérez Touriño, advertiu de que «se debe garantir o funcionamento e a operatividade» das instalacións de Reganosa na ría de Ferrol e recordou que «en democracia hai mecanismos sobrados para o diálogo»