Manifestación contra o porto deportivo de Massó
Este sábado, 1 de agosto, ás 20:00 h., unha nova manifestación partirá desde a Alameda Vella de Cangas en defensa do Salgueirón e dos recursos pesqueiros e marisqueiros da Ría de Vigo.
Despóis dos feitos sucedidos días atrás, cando a Garda Civil detivo e agrediu a 16 activistas que mostraban pacificamente a súa oposición a esa obra destrutora da nosa natureza e da nosa economía, esta manifestación significa o momento oportuno de amosar o noso rexeitamento máis rotundo non só a ese proxecto especulador, senón tamén a unha escalada represiva e de violencia policial totalmente inxustificable.
Por iso queremos contar unha vez máis contigo este sábado en Cangas. Porque malia a represión exercida polas forzas e corpos de seguridade postos ao servizo de intereses privados, a defensa de Massó -convertida xa en símbolo da loita polo respecto á terra- seguirá viva e non permaneceremos impasibles ante ningunha agresión.
Porto ilegal
sen licencia municipal
sen Plan de Usos
sen Plan Especial
sen PXOM
Destrúe postos de traballo
destrúe a ría
ameaza ao pequeno comercio
para beneficio duns poucos
saltando leis e acordos de goberno
con represión policial brutal
PARALIZACIÓN XA
Convoca: “Confraría de Pescadores San José de Cangas”
