Os veciños denuncian a proximidade da canteira do Barro (La Opinión)
A asociación veciñal de Vilar-Campolongo afirma que a distancia mínima ás vivendas debe ser de dous quilómetros e pregunta ao Concello eumés pola situación legal do negocio.
A asociación de veciños de Vilar-Campolongo enviou un escrito ao Concello de Pontedeume no que advirte de que algunhas das vivendas da Pedridas e O Barro están a uns 90 metros de distancia da canteira situada nesta parroquia, cando, segundo destaca o presidente da entidade, Carlos Fornos, a distancia mínima legal dunha explotación deste tipo ás casas debe ser de 2.000 metros, segundo a normativa que regula as actividades molestas, insalubres, nocivas e perigosas.
O escrito da entidade veciñal vai a acompañado da firmas duns 40 afectados, veciños todos eles dos lugares das Pedridas e O Barro. “É o terceiro escrito que enviamos ao Concello. O primeiro deles remitímolo o pasado 3 de setembro e non tivemos ningunha contestación nin nos convocaron a ningunha reunión. Se non contestan a esta nova carta teremos que recorrer á Delegación do Goberno. Ata lles mandei fotografías de satélite da canteira”, manifestou Fornos.
A asociación de veciños de Vilar-Campolongo tamén advertiu no primeiro escrito ao Concello da contaminación de tres pozos situados preto dunha canteira. A entidade, que relaciona a contaminación da auga coa actividade da empresa, solicita ao Goberno local información sobre a situación legal do negocio. Desde a asociación explican que os pozos presentan contaminación por augas fecais, que atribúen ao movemento de terras e ás filtracións que se producen tras as explosións realizadas pola canteira. En canto ás declaracións nas que o alcalde afirmaba non ter constancia dun dos primeiros escritos da asociación, Carlos Fornos pregúntase “quen llos garda”. “Ten unha mafia dentro do Concello? Non se se esa xente ten o permiso de Industria, que llo puido conceder sen comprobar as condicións da canteira, pero esa é a pregunta que lle fago eu ao Concello, que ten que saber se as empresas asentadas no municipio estano de forma legal ou non e é o Concello o que ten a última palabra e o que, se a actividade é molesta para os veciños, deben denegar a súa autorización”, recalcou.
Os veciños tamén denuncian que o recinto está sen valar e sen sinalizar, co consecuente perigo para persoas e animais, e quéixanse do ruído. A empresa declinou onte facer declaracións respecto diso.
O concelleiro de obras e o alcalde están a bordear, se non a traspasaron xa, a legalidade. Primeiro, por non atender a petición de información presentada por unha asociación de veciños que, desde setembro, está intentando obter unha resposta do Concello sobre a situación da canteira. Pero o problema máis grave está no feito de que se está permitindo operar a una empresa de actividades perigosas que non conta con permisos nin cumple as distancias mínimas de seguridade. concelleiro.