Galería de ecomonstros
Un percorrido pola costa galega é coma unha viaxe a través dunha fonda ferida aberta na paisaxe. A modernidade asáltanos sen compasión desde a Garda ata Ribadeo. As consecuencias desa barbarie urbanística, da “violencia catastral” que asola o noso territorio, desnaturalizándoo, poñéndoo nas mans das transnacionais do cemento, comprobámolo a diario no progresivo deterioro que están a sofrir moitas vilas que ven o seu patrimonio urbanístico e paisaxístico arrasado pola especulación. Con esta galería de ecomonstros -que sempre será parcial e aberto a novas incorporacións- propoñémovos unha mirada ás novas realidades paisaxísticas que poblan o skyline das vilas galegas.
o edificio Herpi (Hermanos Pichel) é xa un histórico da vila de Sanxenxo
esta mole sobre as dunas de Areoura (Foz) foi ata o de agora a única demolida en Galicia, paradóxicamente, durante o ministerio de Jaume Matas
no peirao de Ribeira levántase imponente este exemplar do brutalismo barbancés
sobre a illa de Toralla, na ría de Vigo, recentemente tomada pola cidadanía, álzase un dos máis salientables ecomonstros galegos
Skyline de Vilagarcía
agresivo perfil deste edificio en Ortigueira. Eran os gloriosos tempos de Campo
edificio de apartamentos na praia da Frouxeira (Valdoviño): o pesadelo de Le Corbusier
