A contaminación do Eume: predicíbel e perigosa
Sen coñecer aínda as verdadeiras causas da contaminación do río Eume, a empresa Aquagest non dubida en utilizar a auga do río para abastecer á poboación eumesa. Unha medida precipitada que debería ter en conta os graves prexuizos que pode ocasionar a inxesta de auga contaminada na saúde das persoas. Non menos criticábel é a posición da Consellaría de Medio Ambiente que dilata no tempo as análises das mostras recollidas no Eume para o seu estudo. Con ánimo de tranquilizar á poboación os responsabeis do organismo autonómico apuntan a unha posíbel causa natural como determinante da alta acidez das augas, mais esta alta diminución do Ph só pode ser debida a causas provocadas por unha contaminación que ten a súa orixe nalgunha actividade industrial ou agrícola.
As autoridades deben explicar xa as causas da contaminación e tomar medidas adecuadas para que o río volva á súa situación natural sen agardar a que sexa a Natureza quen rexenere por si soa os estragos causados polo home. Asemade débense exixir responsabilidades aos causantes deste desastre ecolóxico en canto se coñeza a orixe deste mal que afecta oas seres vivos do río e á saúde humana.
Desgraciadamente non nos resulta estraño que estas situacións se repitan nun río que dende sempre foi utilizado como basureiro pola empresa máis contaminante do país e que as Administracións non toman en serio á hora de buscar solucións para o que é a fonte de vida dunha das paraxes mais fermosas qque posuimos. Todo o contrario, non desbotan a idea de instalar no seu entorno a industria papeleira que Ence prevé trasladar dende Pontevedra.
Vos coma sempre oides cousas e sen informaros xa vos poñedes a criticar. Todo o criticades polo que xa cansades un pouco. Xa e sabido que a mortandad e por causas do pH pero vos como sempre a criticar e criticar. A pregunta seria porq aumentou a acidez do pH? e deixarvos de contaminacion algunha porque non se da o caso ainda.